តើក្រុមប្រឹក្សានៃរាជធានី ខេត្ត ក្រុង ស្រុក ខណ្ឌ ត្រូវបានបង្កើតឡើងដូចម្ដេច ? ចូរនិយាយពីចំនួនសមាជិករបស់ក្រុមបឹ្រក្សានីមួយៗ ?

ក្រុមប្រឹក្សានៃរាជធានី ខេត្ត​ ក្រុង ស្រុក ខណ្ឌ ត្រូវបានជ្រើសរើសឡើង តាមការបោះឆ្នោតអសកលស្របតាមនីតិវិធីដែលកំណត់ដោយច្បាប់ស្ដីពីការបោះឆ្នោត ជ្រើសរើសក្រុមប្រឹក្សារាជធានីក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ក្រុមប្រឹក្សាខណ្ឌ ដែលហៅកាត់ថា “ ក្រុមប្រឹក្សា” ។​​

ចំនួនសមាជិករបស់ក្រុមបឹ្រក្សានីមួយៗត្រូវកំណត់ដោយផ្អែកតាមកត្តាប្រជារាស្រ្តនឹងកត្តាភូមិសាស្រ្ត ដូចជាខាងក្រោម ៖

• ក្រុមប្រឹក្សារាជធានីភ្នំពេញមានចំនួនសមាជិកមិនលើសពី ម្ភៃមួយ (២១)​ រូប
• ក្រុមប្រឹក្សាខេត្តមានចំនួនសមាជិកចាប់ពី ប្រាំបួន​ (០៩) រូប​​ ដល់ ម្ភៃមួយ (២១) រូប
• ក្រុមប្រឹក្សាក្រុងមានចំនួនសមាជិកចាប់ពី ប្រាំពីរ (០៧) រូប​ ដល់ ដប់ប្រាំ (១៥) រូប​
• ក្រុមប្រឹក្សាស្រុកក្រុមប្រឹក្សាខណ្ឌ មានចំនួនសមាជិកចាប់ពី ប្រាំពីរ​ ( ០៧ )​ រូប ដល់ ដប់ប្រាំបួន​ (១៩)​ រូប ។