Khmer Literature
2018-07-31 21:51
សុភាសិតមួយពោលថា ”ស្លឹកឈើជ្រុះមិនឆ្ងាយពីគល់“ ចូរបកស្រាយ?
8137 Views
2018-07-31 21:51
ចង់ប្តូរការងារ ឬ កំពុងស្វែងរកការងារ ផ្វើសារឥឡូវនេះ
សេចក្ដីអធិប្បាយ៖ ជាទូទៅរុក្ខជាតិទាំងឡាយ តែងវិវត្តន៍លូតលាស់ និងរុះរោយស្លឹកតាមធម្មជាតិរបស់វា ហើយស្លឹកទាំងឡាយដែលជ្រុះនោះ វាមិននៅឆ្ងាយពីដើម និងគល់របស់វាប៉ុន្មានទេ ប្រសិនបើគ្មានកំលាំងរុញ ច្រានពីខ្យល់។ អាស្រ័យហេតុនេះហើយ ទើបមានសុភាសិតមួយពោលថា ”ស្លឹកឈើជ្រុះមិនឆ្ងាយពីគល់“។
តើសុភាសិតខាងលើនេះ មានអត្ថន័យខ្លឹមសារដូចម្តេច?
ដើម្បីចៀសវាងការយល់ច្រឡំក្នុងការដោះស្រាយប្រធានបទខាងលើ យើងគួរយល់អត្ថន័យនៃពាក្យ "ជ្រុះ"អោយច្បាស់លាស់ជាមុនសិន។ ជ្រុះ គឺជាការដាច់ ឬរបូតធ្លាក់ពីលើមកក្រោម។
ប្រធានខាងបទខាងលើមានន័យថា គ្រប់ស្លឹករុក្ខជាតិទាំងឡាយដែលរុះរោយចាកមែក គឺមិនដែលទៅណាឆ្ងាយពីគល់របស់វាឡើយ។ ពាក្យថា ស្លឹកឈើជ្រុះមិនឆ្ងាយពីគល់ នេះគឺសំដៅទៅលើរុក្ខជាតិទាំងអស់ដែលដុះលូតលាស់ និងរុះរោយស្លឹកចាស់ ដើម្បីដុះនូវស្លឹកថ្មី ជាធម្មតា ស្លឹករុក្ខជាតិដែលជ្រុះទាំងនោះ បណ្តាលមកពីស្លឹកចាស់ ឬទុំ ជួនកាលទៀតការត្រូវកំដៅ ក្នុងបរិយាកាសធ្វើអោយដាច់របេះ ជ្រុះចាកមែកតែការជ្រុះធ្លាក់របស់វា គឺមិនអាចទៅណាឆ្ងាយពីគល់របស់វាបានឡើយ។ ស្លឹកឈើឬស្លឹករុក្ខជាតិទាំងឡាយ មិនអាចកំរើក ឬធ្វើចលនា ផ្លាស់ទីដោយខ្លួនឯងបានទេ ហេតុនេះហើយទើបវាធ្លាក់នៅក្បែរគល់របស់វា។
ឯពាក្យ ”ស្លឹកឈើជ្រុះមិនឆ្ងាយពីគល់“ ក្នុងន័យធៀបវិញ គឺគល់ឈើប្រៀបធៀបទៅនិងមាតាបិតា អាណាព្យាបាល ឯស្លឹកឈើធៀបទៅនិងកូនចៅប្រុសស្រី។ ពាក្យខាងលើមានអត្ថន័យត្រង់ៗ ចំពោះការរស់នៅ របស់មនុស្សក្នុងគ្រួ-សារ រវាងឪពុកម្តាយ អាណាព្យាបាល និងកូនចៅ។ បើមាតាបិតា ទាំងអស់ជាអ្នកប្រព្រឹត្តអំពើល្អ ស្មោះត្រង់ សមរម្យ ហើយជាមនុស្សដែលមានប្រយោជន៍ ក្នុងសង្គមជាតិ កូនចៅទាំងអស់រស់ក្រោមឱវាគល់ណា និងក្លាយជាមនុស្សបែបនោះដែរ។ ប្រសិនបើអ្នកដឹកនាំ មានមាតាបិតាជាដើមនោះ ជាមនុស្សមិនល្អប្រព្រឹត្តអំពើមិនគប្បី ទោះជាគាត់បាននែនាំអោយកូនធ្វើតាម ឬមិននែនាំអោយធ្វើតាមក្តី អំពើទាំងនោះវាជាគំរូអាក្រក់ដែលកូនចៅបានឃើញជាប្រចាំ ហើយដោយនៅវ័យក្មេងខ្ចី មិនទាន់ដឹងអំពីអ្វីដែលល្អ ឬអាក្រក់ច្បាស់លាស់ ក៏នាំគ្នាប្រព្រឹត្តនូវ អំពើទាំងឡាយនោះ ដូចឪពុកម្តាយរបស់ខ្លួនដែរ។ ជាក់ស្តែងក្នុងអក្សរសិល្ប៍ខ្មែររឿងកុលាបប៉ៃលិនដោយតាចឹមជាមនុស្សល្អ ប្រព្រឹត្តល្អ និងផ្តល់ដំបូលន្មានល្អ ធ្វើអោយចៅចិត្រជាកូន ក៏បានក្លាយជាមនុស្សល្អ ថ្លៃថ្នូរ និងជាមនុស្សដែលមានប្រយោជន៍ដល់សង្គមជាតិ។ ចំណែកឯលោកបាឡាត់ស្រុកសង្កែវិញ ដោយការខ្វះការនែនាំពីឪពុកម្តាយធ្វើអោយគេក្លាយជាមនុស្សមួយរូបដែលចូលចិត្ត ប្រព្រឹត្តនូវអំពើអាក្រក់គួរអោយស្អប់ខ្ពើម ដូចនេះបើឪពុកម្តាយជាមនុស្សល្អ កូនចៅក៏ជាមនុស្សល្អ បើមាតាបិតាជាមនុស្សមិនល្អ កូនចៅក៏ជាមនុស្សមិនល្អដូចគ្នាដែរ សរដូចពាក្យចាស់ពោលថា ”ឆ្នាំងណាគ្របនឹង“ ឬក៏ ”នៅជាមួយអាចារ្យគឺអាចារ្យ នៅជាមួយចោរគឺកើតជាចោរ“ ។
សរុបសេចក្តីមក ”ស្លឹកឈើជ្រុះមិនឆ្ងាយពីគល់“ ឯកូនចៅប្រុសស្រីក៏មានចរិកលក្ខណៈ មិនខុសពីអាណាព្យាបាលដែរ។ ឆ្លងតាមការបកស្រាយខាងលើ ប្រធានបទនេះមានអត្ថន័យខ្លឹមសារ ត្រឹមត្រូវ សំរាប់អប់រំមនុស្សគ្រប់ស្រទាប់វណ្ណៈ អោយចេះធ្វើអំពើល្អ ជាគំរូដល់កូនចៅ និងចេះនែនាំកូនចៅអោយប្រព្រឹត្តអំពើល្អ ត្រឹមត្រូវ។ ដូចនេះកុលបុត្រកុលធីតាទាំងឡាយ គប្បីប្រព្រឹត្តនូវអំពើល្អ ដើម្បីក្លាយខ្លួនជាយុវជនល្អ ដែលមានប្រយោជន៍សំរាប់សង្គមជាតិ៕
អត្ថបទថ្មីៗទាក់ទងបទពិសោធន៍ផ្សេងៗ
Commission on transportation Service VS transportation Service ខុសគ្នាម៉េច( សកម្មភាពអាជីវកម្មសម្បង)?
ដោយ : Mon Piya 7 months ago
ដោយ : Thanakbuth Nut 1 year ago
