តើទេសភាពឧស្សាហកម្មមានលក្ខណៈសម្គាល់សំខាន់អ្វីខ្លះ ? ចូររៀបរាប់ ។

លំហឧស្សាហកម្មផ្ដល់ទេសភាពប្លែកៗគ្នាច្រើនយ៉ាង ។ ជួនកាលសហគ្រាសឧស្សាហកម្មមិនអាចមើលឃើញភ្លាមៗទេ ទាល់តែយកចិត្តទុកដាក់សង្កេត ព្រោះវាស្ថិតនៅលាយឡំរាយប៉ាយក្នុងទឹកក្រុង ក្នុងភូមិតាមដងទន្លេ ឬ ក្នុងព្រៃ ។ ឧទាហរណ៍ ផលិតកម្មដែលស្រដៀងគ្នានឹងសិប្បកម្ម ដូចជា ការងារច្នៃឈើ ផលិតកម្មកែវ គ្រឿងយន្ដតូចតាច... ។ ផ្ទុយទៅវិញ​ជារឿងៗអ្នកភូមិវិទ្យាអាចរកឃើញដោយងាយនូវឧស្សាហកម្មនានា ដែលជ្រៀតចូលតាមសង្កាត់ក្នុងទីក្រុង ។

• រោងចក្រទាក់ទាញរោងចក្រ រោងចក្រប្រមូលផ្ដុំ​សង្កាត់ឧស្សាហកម្មដែលបំពាក់ដោយបរិក្ឋារសមូហភាព ឬ ជាអគាររៀបចំទុកជាមុនដែលបង្កើតឡើងដោយរដ្ឋ​ ឬ ដោយសមូហភាពដ្ឋាន ។
• បណ្ដុំរោងចក្រ និងបុរីឧស្សាហកម្មអាចមានពាសពេញនៅក្នុងតំបន់ ។ បណ្ដុំខ្សែរៀបរយនៅតាមជ្រលងដូចជា ជ្រលងស្ទឹងអ្វាស និងតំបន់ទន្លេសែនក្រោមក្នុងប្រទេសបារាំង ឆ្នេរភាគអាគ្នេយ៍ប្រទេសជប៉ុនដែលមានប៉ុលឌែឧស្សាហកម្ម បណ្ដោយមាត់បឹងធំនិងឆ្នេរអាត្លង់ទិចនៃសហរដ្ឋអាមេរិច និងនៅអឺរ៉ុបពីទន្លេសែនទៅដល់់ទនេ្លអែល ដែលបានរៀបចំជាតំបន់កំពង់ផែឧស្សាហកម្មធំៗ ។