តើទណ្ឌកម្មខាងវិន័យចំពោះមន្ត្រីរាជការស៊ីវិលមានប៉ុន្មានថ្នាក់ ? ហើយថ្នាក់នីមួយៗមានទណ្ឌកម្មអ្វីខ្លះ ?

ទណ្ឌកម្មខាងវិន័យចំពោះមន្ត្រីរាជការស៊ីវិលមានសរុបចំនួន២ថ្នាក់ ៖

ក. ទណ្ឌកម្មថ្នាក់ទី១

• ស្តីបន្ទោស
• ស្តីបន្ទោសដោយមានចំណារក្នុងសំណុំលិខិតផ្ទាល់ខ្លួន
• ផ្លាស់ដោយបង្ខំតាមវិធានការខាងវិន័យ
• លុបឈ្មោះចេញពី តារាងឡើងឋានន្តរសក្តិឬថ្នាក់នៃសក្របខណ្ឌ ។

ខ. ទណ្ឌកម្មថ្នាក់ទី ២

• ស្តីបន្ទោសជាទម្ងន់បណ្តាលឱ្យលុបចេញពីរតាងរាងឡើងឋានន្តរសក្តិ ឬថ្នាក់ក្របខណ្ឌបើសិនជាមានចុះឈ្មោះហើយ ឬធ្វើឱ្យយឺតក្នុងការរតម្លើងឋានន្តរសក្តិ ឬថ្នាក់ ក្នុងថេរៈវេលាមួយមានកំណត់ តែមិនត្រូវឱ្យលើសពី២ឆ្នាំក្នុងការតម្លើងឋានន្តរសក្តិ ឬថ្នាក់តាមវេនជ្រើសរើស ឬវេនអតីតភាព
• ដាក់ឱ្យនៅទំនេរគ្មានបៀរវត្ស មិនឱ្យលើសពី១ឆ្នាំ
• បន្ថយឋានន្តរសក្តិ ឬថ្នាក់មួយថ្នាក់ ឬច្រើនថ្នាក់
• ដាក់ឱ្យចូលនិវត្តន៍មុនកាលកំណត់ឬបញ្ឈប់ពីការងារដោយបង្ខំ
• បណ្តេញចេញពីមុខតំណែងរាជការ ។