តើពាក្យ “សាសនា” មានន័យដូចម្តេច ? តើនៅលើពិភពលោកមានសាសនាអ្វី ? ចូររៀបរាប់ឱ្យបាន ៦ ។ តើព្រះរាជាណាចក្រកម្ពុជាប្រកាន់លទ្ធិសាសនាណាមួយជាសាសនារបស់រដ្ឋ ? តើសាសនានោះមានទង់តំណាងពណ៌អ្វី ? ចូររៀបរាប់អត្ថន័យនៃពណ៌ទង់នោះផង ។

សាសនា គឺជាពាក្យទូន្មានប្រៀនប្រដៅឬពាក្យបណ្តាំ ។ សាសនាដែលគេគោរពបូជានៅក្នុងពិភពលោកយើងនេះមានច្រើនដូចជា ពុទ្ធសាសនា គ្រឹស្តសាសនាឥស្លាមសាសនា ហិណ្ឌូសាសនា យូដាយសាសនាតៅសាសនា ហ្សូរ៉ូអាស់ទ្រៀនសាសនា សាសនាជេន សាសនាខុងជី ស៊ិនតូសាសនា សាសនាស៊ិក្ខ និងសាសនាបាហាយ ។ ប្រទេសកម្ពុជាបានជ្រើសរើសព្រះពុទ្ធសាសនា ជាសាសនារបស់រដ្ឋ ។ ទង់ព្រះពុទ្ធសាសនាមាន ៦ ពណ៌គឺ ៖

• ពណ៌លឿង ៖ តំណាងព្រះមំសៈ (សាច់) របស់វិធូបបណ្ឌិតដំផែជាមាសបិទព្រះពុទ្ធរូប ។
• ពណ៌ក្រហម ៖ តំណាងលោហិត (បេះដូង) បុទុមមាណពបរិច្ចាគជាថ្នាំព្យាបាលម្តាយដែលត្រូវពស់ចឹក ។
• ពណ៌ស ៖ តំណាងសត្វដំរីបច្ច័យនាគេន្រ្ទរបស់ព្រះវេស្សន្តរប្រទានឱ្យពួកព្រាហ្មណ៍ ។
• ពណ៌លឿងទុំ (ហង្សបាទ) តំណាងមំសៈ និងលោហិតឬរូបកាយវិជ្ជាធរឱ្យយក្សស៊ី ។
• ពណ៌ផ្នែក ៖ តំណាងសត្វទន្សាយសេកសោមបណ្ឌិតបរិច្ចាគជីវិតឱ្យឥន្ទ្រព្រាហ្មណ៌ជាអាហារ ។ (ពណ៌ចម្រុះ ៥ពណ៌ខាងលើ) ឥន្ទ្រព្រាហ្មណ៍ចារឹករូបទន្សាយទុកក្នុងវង្វង់ព្រះចន្ទ ។
• ពណ៌ខៀវ ៖ តំណាងព្រះនេត្រព្រះបាទស្រីភិរាស្រ្តដាក់ទានឱ្យឥន្ទ្រព្រាហ្មណ៍ខ្វាក់ភ្នែក ។