សំណួរចម្លើយដែលទាក់ទងនិងចំណេះដឹងក្នុងស្ថាប័នសង្គម និង បម្រើសេវាសាធារណៈ

សំណួរ

១. តើការផ្តល់សេវាសាធារណៈមានគោលដៅបម្រើប្រជាពលរដ្ឋឪ្យកាន់តែប្រសើរឡើងមាន ន័យថារដ្ឋបាលត្រូវធ្វើអ្វីខ្លះ ?

២. តើមុខងារសាធារណៈកម្ពុជាត្រូវបានសម្រេចដោយរាជរដ្ឋាភិបាល កម្ពុជានៅថ្ងៃណា ? ខែណា ? ឆ្នាំណា ?

៣. តើចក្ខុវិស័យនៃមុខងារសាធារណៈកម្ពុជាគឺជាអ្វី ?

៤. តើមុខងារសាធារណៈដែលមានគុណភាពត្រូវមានលក្ខណៈសម្បត្តិប៉ុន្មានយ៉ាង ? អ្វីខ្លះ ?

៥. តើគោលការណ៍នៃការគ្រប់គ្រងមុខងារសាធារណៈនិងដំណើរនៃរដ្ឋបាលសាធារណៈមានអ្វីខ្លះ ?

៦. តើនីតិមុខងារសាធារណៈមានន័យដូចម្ដេច ?

៧. ចូរអ្នកសិក្សាអំពីប្រវត្តិនៃមុខងារសាធារណៈនៅកម្ពុជា ។

៨. តើមុខងារសាធារណៈ មានមុខងារនិងភារៈកិច្ចអ្វីខ្លះ ?

ចម្លើយ
១. ការផ្តល់សេវាកម្មសាធារណៈ មានគោលដៅបម្រើប្រជាពលរដ្ឋឪ្យកាន់តែប្រសើរឡើង មានន័យថារដ្ឋបានត្រូវធ្វើដូចជា ៖

• ធានាភាពងាយស្រួលក្នុងការទទួលយកការប្រើប្រាស់ ផ្តល់ព័ត៌មានគ្រប់គ្រាន់ច្បាស់លាស់និងងាយយល់កាត់បន្ថយការវិយាល័យធិបតេយ្យ និងនីតិវិធីស្មុគស្មាញសំដៅកាត់បន្ថយការលំបាករបស់អ្នកប្រើប្រាស់សេវាក្នុងការស្វែករកសេវាដោយខ្លួន​ឯង និងចំណាយបន្ថែមលើអ្នករត់ការក្រៅផ្លូវការ ។
• ផ្តោតទៅលើតម្រូវការជាក់ស្ដែងរបស់អ្នកប្រើប្រាស់ កន្លងមកមន្រ្ដីរាជការ ក្នុងឥរិយបថជាអ្នកគ្រប់គ្រងបានកំណត់ជស្រេចនូវប្រភេទសេវា ដែលត្រូវផ្តល់ជូនអ្នកប្រើប្រាស់ ទោះជាសេវាមួយ ចំនួនអ្នកប្រើប្រាស់​ទោះជាសេវាកមួយចំនួនអ្នកប្រើប្រាស់មិនត្រូវការក៏ដោយ ។ ប៉ុន្តែក្នុងឥរិយាប​ថជាអ្នកផ្តល់សេវា គឺត្រូវកំណត់ប្រភេទសេវាទៅតាមតម្រូវរបស់ទីផ្សារ​និងរបស់អ្នកប្រើប្រាស់វិញ ។
• ​ផ្តល់សេវាឪ្យចំកន្លែងនៃ តម្រូវការរបស់អ្នកប្រើប្រាស់ រដ្ឋភិបាលសាធារណៈត្រូវផ្តល់សេវាដល់ទីកន្លែង ដែលអ្នកប្រើប្រាស់ត្រូវលើកលែងតែក្នុងករណីពិសេសមួយចំនួនប្រើប្រាស់ត្រូវការលើើលែងតែក្នុងករណីពិសេសមួយចំនួន ដែលមិនអាចផ្គត់ផ្គង់បាន ។
• ត្រូវមានការតម្លាភាព និងការទទួលត្រូវក្នុងការផ្តល់សេវា អ្នកផ្តល់សេវាត្រូវផ្តល់ព័ត៌មានឪ្យបានទូលំទូលាយជាចំហដោយគ្មានការរើសអើងនិងយកចិត្តទូលាយជាចំហដោយគ្មានការរើសអើង និងយកចិត្តទុកដាក់ក្នុងការផ្តល់សេវាឪ្យបានទាន់ពេលវេលាកំណត់និងមានគុណភាពជូនអ្នកប្រើប្រាស់មដោយស្មារតីទទួលខុសត្រូវខ្ពស់ ។ ទន្ទឹងនឹងនេះអ្នកផ្តល់សេវាក៏ត្រូវទុកលទ្ធភាពឪ្យអ្នកប្រើប្រាស់តាមជន និងស្វែងយល់អំពើនីតិវិធីនៃការផ្តល់សេវា និងអាចធ្វើការទិទៀនតវ៉ាឬទាមទារឪ្យមានការកែលម្អខ្វះខាតផ្សេងៗ តាមតម្រូវការសម្រូវការសំដៅលើកម្ពស់ប្រសិទ្ធភាព និងតម្លាភាពស្របតាមគោលការណ៍ អភិបាលកិច្ចល្អ ។
• គុណភាពមនិងប្រសិទ្ធភាព​សេវា អ្នកផ្តល់សេវាត្រូវគោរពឪ្យបាននូវស្ដង់ដារ កំណត់មានន័យថាអ្វីដែលបានកំណត់ជូនអ្នកប្រើប្រាស់ ត្រូវតែធ្វើតាមការកំណត់នោះទាំងតម្លៃទាំងពេលវេលាទាំងគុណភាព ។ សេវាទាំងឡាយ ណាដែលរដ្ឋភិបាលសាធាណរៈពុំមានសមត្ថភាពផ្តល់ជូនអ្នកប្រើប្រាស់ បានស្វែងរកដៃគូអភិវឌ្ឍន៍ដែលមានលទ្ធភាពដើម្បីជួយសម្រួលដល់អ្នកប្រើប្រាស់សេវាតាមតម្រូវការ ។

២. មុខងារសាធារណៈកម្ពុជាត្រូវបានសម្រេចដោយរាជរដ្ឋាភិបាល កម្ពុជានៅថ្ងៃទី ២៣ ខែកុម្ភៈ ឆ្នាំ ១៩៩៤ ។

៣. ចក្ខុវិស័យនៃមុខងារសាធារណៈកម្ពុជាគឺជាចក្ខុវិស័យនៃស្ថាប័នយុទ្ធសាស្រ្ដ អចិន្រៃ្ដយ៍មួយ ដែលមានគោលដៅបម្រើប្រជាពលរដ្ឋកាន់តែប្រសើរឡើង ។

៤. មុខងារសាធារណៈដែលមានគុណភាពត្រូវមានលក្ខណៈសម្បត្តិ ៤ យ៉ាងដូចជា ៖

• ទឹកចិត្តបម្រើការងារមុះមុត រដ្ឋបាលសាធារណៈដែលមុះមុតក្នុងការងារ និងមានការលើកទឹកចិត្ត ក្នុងការធ្វើការ ងាររបស់មន្រ្ដីរាជការ ។
• ភក្ដីភាព រដ្ឋភិបាលសាធារណៈ ដែលជាសេនាធិការឪ្យរដ្ឋាភិបាល និងស្ថាប័នត្រូវមានភក្ដីចំពោះរដ្ឋនិងប្រជាពលរដ្ឋ ។
• ផ្តោតលើសេវា រដ្ឋបាលសាធារណៈត្រូវប្រែក្លាយខ្លួនពី អ្នកគ្រប់គ្រងទៅជាអ្នកផ្តល់សេវាគួរជាទីគោរពនិងមានភាពត្រឹមត្រូវក្នុងការបម្រើ និងឆ្លើយតបនឹងតម្រូវការជាក់ស្ដែងរបស់ប្រជាពលរដ្ឋ ។
• សីលធម៌វិជ្ជាជីវៈ រដ្ឋាបាលសាធារណៈត្រូវបំពេញភារកិច្ចរបស់ខ្លួន ប្រកបដោយតម្លាភាព សមត្ថភាព និងប្រសិទ្ធិភាព ។

៥. គោលការណ៍នៃការគ្រប់គ្រងមុខសាធារណៈនិងដំណើរការនៃរដ្ឋបាលសាធារណៈមានដូចជា ៖

• គោលការណ៍និរន្តរភាពនៃរដ្ឋភិបាលសាធារណៈ
• គោលការណ៍និត្យានុកូលភាព
• គោលការណ៍សមភាព ចំពោះអ្នកប្រើប្រាស់សេវាសាធារណៈ
• គោលការណ៍អព្យាក្រឹតភាព/អនាគតិ
• គោលការណ៍ក្នុងការផ្លាស់ប្តូរ មន្រ្តីរាជការទៅតាមតម្រូវការចាំបាច់របស់រដ្ឋភិបាលសាធារណៈ
• គោលការណ៍តម្លាភាព
• គោលការណ៍សមត្ថភាពពិត
• គោលការណ៍បរិសុទ្ធភាព
• គោលការណ៍ទទួលខុសត្រូវ
• គោលការណ៍យុត្តិធម៌ ។

៦. នីតិមុខងារសាធារណៈគឺ ជាបណ្ដុំនៃលិខិតបទដ្ឋានគតិយុត្ត ដោយឡែកឬ ពិសេសដែលអនុវត្តទៅលើមន្រ្ដីរាជការស៊ីវិលដែលបម្រើការងារក្នុងស្ថាប័នសាធារណៈ ។

៧. មុខងារសាធារណៈកម្ពុជាទៅតាមសម័យកាលនីមួយៗ ៖

     ១. មុខងារសាធារណៈមុនសម័យបារាំងដាក់អាណានិគម មានព្រះមហាក្សត្រជាអ្នកសោយរាជ្យគឺមានមន្ត្រីដែលបម្រើការនៅក្នុងរាជវាំងហើយការគ្រប់គ្រងពេលនោះមិនមានវិធានអ្វីច្បាស់លាស់ទេសូម្បីតែបៀរវត្សក៏មិនច្បាស់លាស់ដែរ គឺអាស្រ័យលើព្រះមហាក្សត្រជាអ្នកកំណត់ ។

     ២. មុខងារសាធារណៈសម័យបារាំងដាក់អាណានិគម នៅពេលដែលបារាំងដាក់អាណានិគមមកលើកម្ពុជា ( ១៨៦៣-១៩៥៣ ) បារាំងបាននាំមកនូវប្រៀបរបបគ្រប់គ្រងមន្ត្រីរាជការ តាមបែបបច្ចឹមប្រទេសក្នុងការបម្រើសេវាកម្មសាធារណៈហើយចាប់តាំងពីឆ្នាំ ១៨៩៧ មកសូម្បីព្រះមហាក្សត្រក៏ត្រូវបារាំងរៀបចំបៀវត្សថ្វាយដែរ មុខងារសាធារណៈតាមវិធានបារាំងនេះគឺប្រព័ន្ធវិជ្ជាជីវៈក្របខណ្ឌ ដែលបានបន្ដជិះឥទ្ធិពលនូវសម័យក្រោយៗទៀត ។ សហលក្ខនិ្តកៈមន្ដី្រស៊ីវិលក្របខណ្ឌនៃរដ្ឋភិបាលសាធារណៈ​នៃព្រះរាជាណាចក្រកម្ពុជាជាតាមព្រះរាជក្រម លេខ៣២៣ នស ចុះថ្ងៃទី ១០ ខែឧសភា ឆ្នាំ ១៩៤៧ ។ គឺចាប់ពីពេលនោះមកមានប្រព័ន្ធអាជីពដែលជាប្រព័ន្ធសមត្ថភាព ។

     ៣. មុខងារសាធារណៈសម័យសង្គមរាស្រ្ដនិយម ( ព្រះរាជាណាចក្រកម្ពុជាទី ១ ) នៅសម័យនោះតាមច្បាប់ស្ដីពីសហលក្ខនិ្តកៈនៃភ្នាក់ងាររាជការក្នុងព្រះរាជាណាចក្រកម្ពុជាក្រៅពីភ្នាក់ងារផ្នែកតុលាការ ត្រូវបាននប្រកាសឪ្យប្រើប្រាស់តាមព្រះរាជក្រមលេខ ៧៩៣ នស ចុះថ្ងៃទី ៨ មិថុនា ឆ្នាំ ១៩៥៣ ក្រោយមកត្រូវបានកែប្រែជាបន្ដ បន្ទាប់តាមព្រះរាជក្រមលេខ ៨៤៧ នស ទី១០ ខែកុម្ភៈ ឆ្នាំ ១៩៥​៤​ និងព្រះរាជក្រម លេខ ១៤៣ នស ចុះថ្ងៃទី ២១ ធ្នូ ១៨៥៦ ។ ដើម្បីអនុវត្តន៍ច្បាប់ស្ដីសហលក្ខនិ្ដកៈ នៃភ្នាក់ងារក្នុងព្រះរាជាណាចក្រកម្ពុជា និងគ្រប់គ្រងភ្នាក់ងារទាំងនោះ​ស្ថាប័នមួយត្រូវបង្កើតឡើងដោយ ព្រះរាជក្រមលេខ ១៨១ នសចុះថ្ងៃទី ០៥ មេសា ១៩៥៧ ដែលប្រកាសឪ្យប្រើច្បាស់ស្ដីពីការបង្កើត “ មន្ទីរចាត់ការមុខងារសាធារណៈ “ មន្ទីរចាត់ការមុខងារសាធារណៈស្ថិតនៅក្រោមអំនាចផ្ទាល់របស់នាយករដ្ឋមន្រ្ដី និងដឹកនាំលោកដោយនាយកមុខងារសាធារណៈ និងមានជំនួយការជាភួឈួយមួយនាក់ និងបុគ្គលិកមួយចំនួនតាមសេចក្ដីត្រូវការ ។ យោងតាមព្រះរាជក្រមលេខ ៥៦៨ នស ចុះថ្ងៃទី ២៩ វិចិ្ឆកា ១៩៨៨ បានកំណត់នូវចនាសម័ន្ធរបស់មន្ទីរចាត់ការ មុខងារសាធារណៈ ដូចតទៅ ៖

+ មានកាវិយាល័យចំនួន ៣

• ការិយាល័យរបៀបប្រមូលឯកសារនិងស្ថិតិ
• ការិយាល័យនិតិសាស្រ្ដ និងលក្ខន្ដិកៈ
• ការិយាល័យសម្រុះសម្រួលសកម្មភាព ។

+ ក្រុមប្រឹក្សាពិគ្រោះ មានភារកិច្ចពិគ្រោះយោបល់លើការតាក់តែងសេចក្ដីព្រាងច្បាស់ព្រាងសហលក្ខន្ដិកៈ សន្ទស្សន៍ បៀវត្សដែលទាក់ទងនិងការគ្រប់គ្រងមន្រ្ដីការ

     ៤. មុខងារសាធារណៈសម័យសាធារណៈរដ្ឋខ្មែរ ក្នុងសម័យនោះ វិស័យមុខងារសាធារណៈយកតាមច្បាប់ដែលបានចងក្រង នៅសម័យសង្គមរាស្រ្ដនិយម ។ ដោយគ្រាន់តែកែសម្រួលនូវមាត្រាខ្លះៗប៉ុណ្ណោះ ។ ការកែប្រែដែលប្រកាសឪ្យប្រើច្បាប់ស្ដីពីសហលក្ខនិ្តកៈមន្ដ្រីរដ្ឋការនៃ ក្របខណ្ឌផ្សេងៗនៃរបបសាធារណៈរដ្ឋខ្មែរគឺដោយក្រម លេខ ៤៧៣/៧១៤ ចុះថ្ងៃទី ២១ ខែ ឧសភា គ.ស ១៩៧១ ចំណុចដែលខុសប្លែកគឺ ការតែងតាំងមន្ដ្រីរដ្ឋការមិនពឹង ផ្អែកទៅលើសមត្ថភាពរដ្ឋបាលជំនាញទាំងស្រុងទេ ។ ពោលគឺ ជួនកាលគេយកត្រូវបង្រៀនបឋមសិក្សា ទៅធ្វើអភិបាលស្រុក ឬ ដាក់នាយទាហានស័ក្ដិ ៤ ឬ ៥ ឪ្យទៅធ្វើជាអភិបាលខេត្ត អភិបាលស្រុក អនុខេត្ត ។ ការធ្វើបែបនេះគឺដោយសារភាពចាំបាច់ក្នុងពេលស្រុកមានសង្រ្គាម ។

     ៥. មុខងារសាធារណៈសម័យកម្ពុជាប្រជាធិបតេយ្យ ក្នុងជំនាន់កម្ពុជាប្រជាធិបតេយ្យ បណ្ដារចនាសម័្ពន្ធរដ្ឋត្រុវបានបំផ្លាញចោលទាំងស្រុងហើយជំនួសវិញ ដោយរចនាសម្ព័ន្ធថ្មីតាមបែបរបបពួកគេ ។ ការសម្រេចលើកិច្ចការអ្វីៗទាំងអស់ស្រេចតែលើអង្គការការងាររដ្ឋភិបាលមិនមែនជាការងារការិយាល័យទេ គឺជាការត្រួតត្រាមហាការដ្ឋានពោលគឺ បង្ខំប្រជាជនឪ្យធ្វើហត្ថកម្មជាទម្ងន់ ។ ការសម្លាប់ប្រជាជនតាម អំពើចិត្តដោយគ្រាន់តែចោទថាក្បត់អង្គការ ។ កម្មាភិបាល និងកម្មករដែលបម្រើការងាររដ្ឋបាលត្រូវបានចាប់តាំងដោយអង្គការតាគោលជំហរស្មោះត្រង់និងអង្គការ ។

     ៦. មុខងារសាធារណៈសម័យសាធារណៈរដ្ឋប្រជាមានិត កម្ពុជា ( រដ្ឋកម្ពុជា ) ក្រោយថ្ងៃរំដោះ ៧ មករា ១៩៧៩ ។ ការគ្រប់គ្រងកម្មាភិបាល ( មន្ដ្រីរាជការ ) ការងារតែងតាំងចាប់ពីថ្នាក់ប្រធាននាយកដ្ឋានឡើងទៅ និងការរៀបចំ រចនាសម័្ពន្ធអង្គការលេខ ស្ថិតនៅក្រោមការត្រួតពិនិត្យ​និងសម្រេចរបស់គណៈចាត់តាំងមជ្ឈិម ដែលជាស្ថាប័នមួយរបស់គណបក្ស ។ ឯគោលការណ៍គ្រប់គ្រង ក្របខណ្ឌកម្មាភិបាល បុគ្គលិកកម្មករចាប់ពីពេលជ្រើសរើស រហូតដល់ពេលចូលនិវត្តន៍ ព្រមទាំងប្រព័ន្ធលាភការឈប់សម្រាក ការធ្វើផែនការក្របខណ្ឌ​និងឥណទានបៀវត្ស ត្រូវបា​នគ្រប់គ្រងដោយនាយកដ្ឋានបៀវត្ស ពលកម្មនៃ ក្រសួងផែនការ ។

    ៧. មុខងារសាធារណៈសម័យព្រះរាជាណាចក្រកម្ពុជាទី ២ កិច្ចព្រមព្រៀងទីក្រុងប៉ារីស ថ្ងៃទី  ២៣ ខែ តុលា ឆ្នាំ ១៩៩១ បាននាំទៅដល់ការបង្កើតព្រះរាជាណាចក្រកម្ពុជាទី ២ ។ ករគ្រប់គ្រងមន្ដ្រីរាជការក្នុងមុខងារសាធារណៈត្រូវអនុវត្តតាមព្រះរាជក្រមលេខ ០៦ នស /៩៤ ចុះថ្ងៃ ទី ៣០ តុលា ១៩៩៤ ប្រកាសឪ្យប្រើច្បាប់ស្ដីពីសហលក្ខន្ដិកៈមន្ដ្រីរាជការស៊ីវិលនៃព្រះរាជាណាចក្រកម្ពុជា ។ រដ្ឋលេខាធិការដ្ឋានមុខងារសាធារណៈត្រូវបានបង្កើតឡើង ដើម្បីគ្រប់គ្រងរាជការ ។ ស្ថាប័នមុខងារសាធារណៈ បានចាប់បដិសន្ធិ ជាថ្មីក្នុងរាជរដ្ឋាភិបាលបណ្ដោះអាសន្ន នៅខែកញ្ញា ឆ្នាំ ១៩៩៣ លើមូលដ្ឋាននៃវិស័យមុខងារ​​ សាធារណៈរបស់អតីតរដ្ឋកម្ពុជា ដោយដំបូងមានឋានៈ និងតួនាទីជាក្រសួង ។ តែក្រោយមកសភាពការណ៍តម្រូវ ឪ្យស្ថិតនៅត្រឹមតែរដ្ឋលេខាធិការប៉ុណ្ណោះគឺរដ្ឋភិបាលដែលកើតឡើង ក្រោយពីការបោះឆ្នោតឆ្នាំ ១៩៩៣ ។ ក្រសួងមុខងារសាធារណៈបង្កើតឡើង ដោយធ្វើការផ្ទេរ មន្រី្ដរាជការនៃអតីតនាយកដ្ឋានបៀវត្សពលកម្ម ដែលជាអង្គភាពចំណុះក្រសួងផែនការ គណចាត់តាំងនិងមន្ត្រីរាជការមកពីស្ថាប័នដទៃទៀតស្របតាមច្បាប់ ស្ដីពីការបង្កើតរដ្ឋលេខាធិការដ្ឋានមុខងារសាធារណៈ ។

៨. មុខងារសាធារណៈមានមុខនិងភារៈកិច្ចដូចខាងក្រោម ៖

• សិក្សាស្រាវជ្រាវរៀបចំតាក់តែងនិងតាមដានការអនុវត្តលិខិតបទដ្ឋាន ច្បាប់សហលក្ខន្ដិកៈដែលពាក់ពាន់ក្នុងការគ្រប់គ្រងមន្រ្ដីរាជការស៊ីវិល ។
• ផ្តល់យោបល់ជូនគណៈរដ្ឋមន្រ្ដីលើគ្រប់សេចក្ដីព្រាងលិខិតបទដ្ឋាន ស្ដីពីការបង្កើត និងការប្រែសម្រួល នៅការរៀបចំរចនាសម័្ពន្ធរដ្ឋភិបាលរបស់ក្រសួងស្ថាប័ននានា
• គ្រប់គ្រងក្របខណ្ឌ និងគ្រប់គ្រងផែនការក្របខណ្ឌមន្ត្រីរាជការស៊ីវិល
• លើកសំណើរ និងតាមដានការអនុវត្តគោលនយោបាយអភិវឌ្ឍន៍ធនធានមនុស្សរបស់រដ្ឋ​និងការបណ្ដុះវិជ្ជាជីវៈមន្ត្រីរាជការស៊ីវិល ។
• លើកសំណើរទៅក្រសួងសេដ្ឋកិច្ចនិងហរិញ្ញវត្ថុស្ដីពីចំនួនក្របខណ្ឌថវិកាប្រចាំឆ្នាំក្រោយពីបានពិនិត្យពិភាក្សាបូកសរុប ដោយផ្អែកលើសំណើររបស់ក្រសួងនានា និងតាមដានការអនុវត្តលើបញ្ហានេះ ។
• ត្រួតពិនិត្យនិយ័តភាពនៃការរៀបចំ និងកិច្ចដំណើរការនៃប្រលងជ្រើសរើសចូលក្នុងក្របខណ្ឌរដ្ឋ របស់ក្រសួងស្ថាប័ននានា ស្របតាមមាត្រា១៥ នៃសហលក្ខនិ្តកមន្រ្តីរាជការស៊ីវិល ។
• ផ្ទៀងផ្ទាត់លើ សេចក្ដីព្រាងលិខិតបទដ្ឋានឯកត្តជន ក្នុងការគ្រប់គ្រង មន្ដ្រីរាជការស៊ីវិលដែលស្នើរឡើងដោយក្រសួងស្ថាប័ននានាពោល គឺព្រះរាជក្រឹត្យនិងអនុក្រឹត្យចំពោះប្រកាសក្រសួង ស្ថាប័ននានា ត្រូវត្រឹមមានទិដ្ឋាការ ពីក្រសួងមុខងារសាធារណៈថែមទៀត ។
• រៀបចំបង្កើតតារាងព័ត៌មានលើការគ្រប់ធនធានមនុស្សរបស់រដ្ឋ ។

      ពិនិត្យរាល់ពាក្យបណ្ដឹងឥវ៉ារបស់មន្រ្ដីរាជការស៊ីវិលទូទៅដែលមានវិវាទពាក់ព័ន្ធនឹងកិច្ចការ ។