វិញ្ញាសាវប្បធម៌ទូទៅសម្រាប់ត្រៀមប្រឡងពេទ្យ (វិញ្ញាសាទី១៣)

សំណួរ

១. តើការបង្កើតសមាគមន៍អាស៊ាននៅឆ្នាំ២០១៥មានអ្វីខ្លះ ?

២. តើអាស៊ានមានទស្សនៈវិស័យសម្រាប់ឆ្នាំ២០២០មានអ្វីខ្លះ ?

៣. តើសមាសភាពក្របខ័ណ្ឌក្រសួងសុខាភិបាលមានប៉ុន្មាន ?

៤. តើបុណ្យមាឃបូជាមានអត្ថន័យដូចម្តេច ?

៥. តើអភិបាលកិច្ចល្អជាអ្វី ? តើអភិបាលកិច្ចល្អមានធាតុសំខាន់ប៉ុន្មានយ៉ាង ? អ្វីខ្លះ ?

ចម្លើយ

១. ការបង្កើតសមាគមន៍អាស៊ាននៅឆ្នាំ២០១៥ មាន ៖

• សហគមន៍នយោបាយនិងសន្តិសុខ
• សហគមន៍សេដ្ឋកិច្ច
• សហគមន៍វប្បធម៌ ។

២. អាស៊ានមានទស្សនៈវិស័យសម្រាប់ឆ្នាំ២០២០មាន ៖

• ការឯកភាពគ្នានៃប្រជាជាតិអាស៊ីអាគ្នេយ៍
• ភាពជាដៃគូក្នុងកិច្ចអភិវឌ្ឍន៍ប្រកបដោយថាមពល
• សហគមន៍មួយដែលជាសង្គមចេះយកអាសារគ្នា
• អាស៊ានដែលសំឡឹងមើលទៅខាងក្រៅ ។

៣. សមាសភាពក្របខ័ណ្ឌក្រសួងសុខាភិបាលមានបី ៖

• ក្របខ័ណ្ឌមន្ត្រីសុខាភិបាល
• ក្របខ័ណ្ឌមន្ត្រីបច្ចេកទេស
• ក្របខ័ណ្ឌរដ្ឋបាល ។

៤. បុណ្យមាឃបូជាធ្វើឡើងនៅថ្ងៃ១៥កើតពេញបូរមីខែមាឃដើម្បីរំលឹកដល់ថ្ងៃដែលព្រះពុទ្ធទ្រង់ដាក់អាយុសង្ខារ ។

៥. អភិបាលកិច្ចល្អជាជាការប្រើប្រាស់វិធីសាស្រ្តបច្ចេកទេសល្អបំផុតដើម្បីគ្រប់គ្រងអោយបានល្អដែលជារបៀបមួយដែលអំណាចសាធារណៈនិងអាជ្ញាធរមានសមត្ថកិច្ចបានត្រូវបង្កើតនិងប្រើប្រាស់ដើម្បីត្រួតពិនិត្យនិងគ្រប់គ្រងលើធនធានសំខាន់ៗទាំងអស់របស់ប្រទេសអោយបានល្អ ។ អភិបាលកិច្ចល្អមានធាតុសំខាន់៤យ៉ាងគឺ

• គណនេយ្យភាព ៖ ជាសកម្មភាពនៃការបំពេញភារកិច្ចរបស់មន្រ្តីសាធារណៈដែលផ្អែកលើធាតុចំបងពីរគឺ
• ការឆ្លើយតបទាន់ពេលវេលាទៅនឹងបញ្ហាដែលទាក់ទងនឹងសកម្មភាពរបស់ខ្លួន ។
• ការឆ្លើយតបនឹងផលវិបាកនៃសកម្មភាពរបស់ខ្លួនដែលអាចដឹងថាមុនបាននិងអត្ថន័យពេញលេញ ។
• តំលាភាព ៖ ភាពស្រស់ថ្លាដែលបានផ្សព្វផ្សាយទូលំទូលាយបើកជាចំហរជាសាធារណៈនៅពត៌មានទាំងឡាយដដែលមានភាពគ្រប់គ្រាន់ពេញលេញពិតប្រាកដដែលអាចជឿជាក់បាននិងទាន់ពេលវេលា ។
• ភាពដែលអាចប៉ាន់ប្រមាណបាន ៖ ការដឹងជាមុននៅនយោបាយច្បាប់និងបទបញ្ញត្តិទាំងឡាយហើយត្រូវបានអនុវត្តអោយមានប្រសិទ្ធភាពនិងការឯេកភាពជាទូទៅគឺជាគោលការណ៍ដែលពាក់ព័ន្ធជិតសិទ្ធិជាមួយនឹងគោលការណ៍នីតិរដ្ឋ ។
• ការចូលរួម ៖ សកម្មភាពទាំងឡាយរបស់រដ្ឋាភិបាលចាំបាច់ត្រូវតែមានការចូលរួមពិគ្រោះផ្តល់យោបល់ពីសាធារណៈនិងដើម្បីធានាអោយបានល្អមានភាពម្ចាស់ការការធ្វើពលកម្មនិងឯកភាព ។