យើងធ្លាប់ស្គាល់រួចហើយអំពីវង់ភ្លេងឆៃយុំា ។ ពេលគេប្រគំម្តងៗ២ចង្វាក់ភ្លេងមានលក្ខណៈលោកៗនិងភ្ជាក់ៗម្តងតិចម្តងខ្លាំង តើវង់ភ្លេងនេះមានប្រវត្តិដូចម្តេច ? គេប្រគុំនៅពេលណាខ្លះ ?

គេប្រគំភ្លេងឆៃយុំាក្នុងពិធីបុណ្យដែលរីករាយដូចជាលេងកំដរបុណ្យកឋិន បុណ្យផ្កា បុណ្យបំបួសនាគជាដើម ។ ភ្លេងឆៃយុំាជាភ្លេងរំភើប សប្បាយ រស់រវើកប្លែកពីភ្លេងឯទៀត ។ ប៉ុន្តែពេលគេប្រគំម្តងៗចង្វាក់ភ្លេងមានលក្ខណៈលោតៗភ្ញាក់ៗត្រម៉ាន់ត្រមើមគួរចង់សើចមានអ្នកខ្លះយល់ថាវង់ភ្លេងនេះមានកំណើតចេញពីមនុស្សជំនាន់ដើមចង្វាក់ភ្លេងមានលក្ខណៈភ្ញាក់ផ្អើលប្រៀបបានទៅនិងសត្វព្រៃភ្ញាក់ផ្អើលនៅពេលឃើញមនុស្ស ។ អ្នកខ្លះទៀតយល់វង់ភ្លេងនេះសំដែងពីការទទួលជោគជ័យគេសប្បាយរីករាយត្រេកអរខ្លាំងហើយក៏បង្កើតវង់ភ្លេងឆៃយុំាំនេះឡើងដើម្បីរំលឹកដល់ជ័យជំនះដែលគេលទទួលបាន ។