អ្វីទៅជាលក្ខណៈវិនិច្ឆ័យកាលប្បវត្តិ ?

លក្ខណៈវិនិច្ឆ័យកាលប្បវត្តិ គឺមានភាពសាមញ្ញាបំផុត ។ គេបញ្ជូលឯកសាររដ្ឋបាលជាមួយដោយគិតទៅលើកាលបរិច្ឆេទ ដែលផ្ញើមកដល់ចំពោះលិខិតចូល និងកាលបរិច្ឆេទចេញចំពោះលិខិតចេញ ។

គេនិយមប្រើលក្ខណៈវិនិច្ឆ័យដូចខាងលើនេះ ចំពោះតែឯកសារចេញទេ ។ ការិយាល័យ នាយកដ្ឋាន ជំនាញនិងការិយាល័យរបៀប ត្រូវរក្សាទុករៀងៗខ្លួន នូវឯកសារចេញមួយច្បាប់ៗ រៀងរាល់ច្បាប់ ។ ឯកសារទាំងនោះយកត្រូវបិទនៅក្នុងសៀវភៅកាលប្បវត្តិ (ក្រូណូ) តាមលំដាប់លេខលិខិត ។ ជាទូទៅគេអនុវត្តគួបផ្សំ នូវលក្ខណៈវិនិច្ឆ័យផងដែរ ។ ដោយសារការអនុវត្តតាមរបៀបដូចខាងលើនេះ គេអាចស្រាវជ្រាវរកឯកសារឃើញ ឆាប់រហ័សដោយគ្រាន់តែដឹងអំពីកាលបរិច្ឆេទ និងលេខលិខិត ។ ម្យ៉ាងទៀត លក្ខណៈវិនិច្ឆ័យកាលប្បវត្តិ ត្រូវបានយកទៅប្រើនៅក្នុងក្រុមឯកសារនីមួយៗទៀត ​ឯកសារត្រូវបានបិទគរលើគ្នាជាបន្តបន្ទាប់ នៅពេលដែលមានឯកសារចូល និងនៅពេលដែលមានឯកសារចេញ ។