សំណួរ-ចម្លើយ ជំពូក១ មេរៀនទី៥ ការកំណត់តម្លៃ (ភាគ១)

សំណួរ

១- ដូចម្តេចហៅថាថ្លៃ ?

២- តើមូលហេតុអ្វីបានជាកសិកម្មនៅកម្ពុជាតម្លៃកសិផលគ្មានតម្លាភាពលើទីផ្សារដោះដូរ ?

៣- តើមានកត្តាអ្វីខ្លះដែលមានឥទ្ធិពលដល់ការកំណត់ថ្លៃ ?

៤- តើការកំណត់ថ្លៃមានលំដាប់ថ្នាក់ជាប៉ុន្មានអ្វីខ្លះ ? ចូររៀបរាប់ ?

៥- តើការកំណត់កម្រិតតម្រូវការមានអ្វីខ្លះ ?

ចម្លើយ

១- ថ្លៃ គឺជាចំនួនទឹកប្រាក់ដែលត្រូវបានកំណត់ទៅលើផលិតផល ឬសេវាណាមួយដែលយើងគិតលើតម្លៃសរុបរបស់នោះ ។ តម្លៃគឺជាការកំណត់ដោយអ្នកទិញនិងរវាសអ្នកលក់ហើយអ្នកលក់តែងតែកាត់ថ្លៃខ្ពស់ជាងកម្រិតដែលគេចង់លក់ ឯអ្នកទិញតែងតែឲ្យតម្លៃទាបជាងកម្រិតដែលខ្លួនចង់បាន ។ តែនៅទីបំផុតភាគីទាំងសងខាងឈានទៅដល់ការស្រុះស្រួលគ្នានៅត្រង់កម្រិតមួយដែលសមស្រប ។

២- បានជាកសិកម្មនៅកម្ពុជាតម្លៃកសិផលគ្មានតម្លាភាពលើទីផ្សារដោះដូរគឺ ៖

+ ផ្នែកវិស័យកសិកម្មដែលមានសក្តានុពល៨០%នៃផ្ទៃដីទាំងមូល (១៨១០៣៥Km2)

• នយោបាយ (របបនៃការដឹកនាំ  (យកខ្លួនឯងជាធំ) និងបដិបទសង្គម)
• សេដ្ឋកិច្ច (កសិកម្មគ្មានទីផ្សារសម្រាប់លក់ និងឧស្សាហកម្មក្រៅប្រទេសក្នុងប្រទេស)
• ធនធាន (អ្នកបច្ចេកទេស និងអ្នកអនុវត្ត កម្មករ)

៣- កត្តាដែលមានឥទ្ធិពលដល់ការកំណត់ថ្លៃគឺ ៖

• គោលបំណងរបស់អង្គភាព (បង្កើនល្បឿននៃការលក់ដាច់និងចំណេញច្រើនក្នុងរយៈពេលខ្លីដែលត្រូវរក្សាភាពលំអៀងរវាងថ្លៃដើម និងថ្លៃលក់) ។
• ធាតុផ្សំនៃទីផ្សារចម្រុះ (កំណត់ថ្លៃក្នុងកម្រិតមួយខ្ពស់សមរម្យជាងការបញ្ចុះតម្លៃហើយត្រូវជ្រើសរើសច្រកបែងចែក ទីផ្សារចែកចាយរួមទាំងកម្មវិធីឲ្យសមប្រសើរ) ។
• ថ្លៃដើមឬចំណាយ (លើផលិតផលទំនិញ និងសេវាអ្វីមួយដែលនឹងលក់ទៅវិញបាន) ។
• ការយល់បានរបស់អតិថិជន (សារៈសំខាន់នៃការយល់បានរបស់អតិថិជនចំពោះថ្លៃ) បព្ហាច្បាប់ និងនិយ័តកម្ម (ការដាក់ចេញនូវវិធានការត្រួតពិនិត្យថ្លៃដែលចែងក្នុងច្បាប់) និងនិយ័តកម្មជាការការពារអតិថិជនពីភាពគ្មានហេតុផលឬភាពមិនសមស្របនៃថ្លៃ ។

៤- ការកំណត់ថ្លៃមាន២លំដាប់ថ្នាក់គឺ ៖

ក- គោលបំណងនៃការកំណត់ថ្លៃ (ក្នុងរយៈពេលខ្លី ឬរយៈពេលវែង)

• ការប្រកួតប្រជែង (ថ្លៃសម្រាប់រស់រានលើទីផ្សាររហូតដល់ថ្លៃនាំមុខ)

- ថ្លៃនាំមុខ (ថ្លៃកំណត់ដោយអង្គភាពគឺអាចថាខ្ពស់បំផុតនិងទាបបំផុត)

- ថ្លៃគ្មានការប្រជែង (ការកំណត់លើមូលដ្ឋានភាពប្រសើរ)

• ការលក់មិនប្រកួត (បញ្ជាក់តាមលក្ខខណ្ឌបរិមាណនៃការលក់ និងភាគហ៊ុនទីផ្សារ)
• ប្រាក់ចំណេញ (គេកំណត់ថ្លៃក្នុងកម្រិតខ្ពស់ល្មមនឹងអាចស្តាររួចនូវចំណាយ)

- អតិបរមាកម្មប្រាក់ចំណេញ ស្វែងរកប្រាក់ចំណេញឲ្យបានខ្ពស់ (ទិញថោកលក់ថ្លៃ) ។

- ការស្រង់ទុនវិនិយោគ ថ្លៃត្រូវបានកំណត់ដើម្បីធានាប្រាក់ចំណេញតាមអត្រាដែលបានគ្រោងទុកជាមុន ។

ខ- គោលដៅទីផ្សារ (អតិថិជនព្រមទទួលឬមិនទទួលវាអាស្រ័យលើកម្រិតនៃចំណូលនៃេសដ្ឋកិច្ចនិងប្រត្យក្សារម្មណ៍ អំពីគុណភាពទំនិញ) ។ ការកំណត់កម្រិតតម្រូវការ (ការថ្លឹងថ្លែងនៅកម្រិតថ្លៃការវិភាគនៃតម្រូវការស្ថិតក្រោមឥទ្ធិពលនៃបម្រែបម្រួលថ្លៃនៃបរិមាណទំនិញដែលត្រូវការ) ។

៥- ការកំណត់កម្រិតតម្រូវការមានដូចជា ៖

• ការកំណត់កម្រិតថ្លៃផ្សេងៗគ្នា និងបម្រែបម្រួលនៃភាពយឺតនៃតម្រូវការដែលប្រែប្រួលទៅតាមទំនិញនៃការកំណត់រវាងចំណេញ ចំណូល និងចំណាយ ។
• ការវាយតម្លៃថ្លៃគូរប្រកួតប្រជែង (កំណត់ថ្លៃផលិតផលដឹងតម្លៃជាមួយគូរប្រកួតប្រជែងហើយកំណត់តម្លៃផលិតផលរបស់ខ្លួន) ។

+ រូបមន្ត ភាពយឺតនៃតម្រូវការ = ថ្លៃបរិមាណនៃតម្រូវការ ៖ បម្រែបម្រួលនៃថ្លៃ

តភាគ