សំណួរ-ចម្លើយ ជំពូក១ មេរៀនទី៣ ឥរិយាបថរបស់អ្នកប្រើប្រាស់ (ភាគ១)

សំណួរ

១. តើឥរិយាបថអ្នកប្រើប្រាស់មានអ្វីខ្លះ?

២. ដូចម្តេចហៅថាអ្នកប្រើប្រាស់ ?

៣. ដូចម្តេចហៅថាអ្នកប្រើប្រាស់ចុងក្រោយ ?

៤. ដូចម្តេចហៅថាអ្នកប្រើប្រាស់អាជីវកម្ម ?

៥. តើកម្លាំងជំរុញឲ្យមានការទិញមានអ្វីខ្លះ ?

៦. អ្វីទៅជាកម្លាំងជំរុញឲ្យមានការទិញ ?

៧. អ្វីទៅជាកម្លាំងជំរុញដោយភាពរំភើបចិត្ត ?

ចម្លើយ

១. ឥរិយាបថអ្នកប្រើប្រាស់មានដូចជា ៖

• អ្នកប្រើប្រាស់ចុងក្រោយ (អ្នកទិញហើយយកប្រើតែម្តង)
• អ្នកប្រើប្រាស់អាជីវកម្ម (ទិញហើយយកទៅលក់ដើម្បីយកប្រាក់ច​ំណេញ)

២. អ្នកប្រើប្រាស់ គឺជាដំណើរការសម្រេចចិត្តរបស់អតិថិជនរួមមានកត្តាដែលមានឥទ្ធិពលដល់ការសម្រេចចិត្តទិញ និងការប្រើប្រាស់ផលិតផលឬសេវា ។

៣. អ្នកប្រើប្រាស់ចុងក្រោយ គឺប្រើប្រាស់ដោយផ្ទាល់ក្នុងការបំពេញសេចក្តីត្រូវការផ្សេងៗ ដូចជាដោះស្រាយការស្រេចឃ្លាន និងការធ្វើដំណើរ ការស្លៀកពាក់ ជំរកស្នាក់នៅដែលមិនមែនជាអាជីវកម្ម ។

៤. អ្នកប្រើប្រាស់អាជីវកម្ម គឺជាអ្នកទិញទំនិញឬសេវា ដើម្បីប្រើប្រាស់ក្នុងការផលិតទំនិញឬសេវា សម្រាប់លក់វិញ ។

៥. កម្លាំងជំរុញឲ្យមានការទិញមានដូចជា ៖

• កម្លាំងជំរុញដោយភាពរំភើបចិត្ត
• កម្លាំងជំរុញដោយភាពសមហេតុផល
• កម្លាំងជំរុញដោយការគាំទ្រ

៦. កម្លាំងជំរុញឲ្យមានការទិញ ជាឥទ្ធិផលណាមួយដែលជំរុញឲ្យអតិថិជនចង់ទិញទំនិញឬសេវាកម្មដោយខានមិនបាន ។

៧. កម្លាំងជំរុញដោយភាពរំភើបចិត្ត ជាមូលហេតុដែលនាំឲ្យមានការទិញដោយប្រើអារម្មណ៍ (កត្តាបញ្ចុះតម្លៃនិងថែមរបស់ហើយមានទំនាក់ទំនងល្អ) ។

តភាគ