តើវិស័យទេសចរណ៍នៅប្រទេសកម្ពុជា ចែកចេញជាប៉ុន្មានផ្នែក? ចូររៀបរាប់បញ្ជាក់។

ទេសចរណ៍ជាវិស័យមួយដែលត្រូវគេចាត់ទុកជាវិស័យឧស្សាហកម្មគ្មានផ្សែង ព្រោះវិស័យនេះជាប្រភពរកប្រាក់ចំណូលជាតិបានយ៉ាងច្រើន។ ដោយឡែកនៅប្រទេសកម្ពុជាវិស័យទេសចរណ៍ត្រូវបានគេចែកចេញជា៥ផ្នែក៖

ក.ទេសចរណ៍វប្បធម៌៖

ជាទេសចរណ៍មួយប្រភេទទាក់ទងទៅនឹងការស្វែងយល់ពីចំណេះដឹងពាក់ព័ន្ធទៅនឹងវប្បធម៌របស់ពលរដ្ឋ ដូចជា ការទស្សនា ប្រាសាទបុរាណ បូជណីយដ្ឋាន អារាមដ្ឋាន ទំនាមទំលាប់ប្រពៃណី របៀបរបបរស់នៅ...

ខ.ទេសចរណ៍ធម្មជាតិ៖

ជាការកំសាន្តតាមតំបន់ដែលមានធនធានធម្មជាតិ ពេលដោយសំរស់ស្រស់ត្រកាល ដើម្បីស្វែងយល់ពីបរិស្ថាននៃតំបន់ ដែលអភិវឌ្ឃន៍ និងការពារ ក្នុននោះរួមមាន មច្ចាជាតិ រុក្ខជាតិ..។

គ.ទេសចរណ៍អរូបី៖

ជាដំណើរកំសាន្តតំបន់ជាប់ទាក់ទងទៅនឹងជំនឿ សាសនា​របស់ប្រជាពលរដ្ឋ មានការគោរពអ្នកតា ម្ចាស់ដី អច្ចរិយភាព ជាដើម។

ឃ.ទេសចរណ៍កែច្នៃ

ជាការកំសាន្តតាមតំបន់ដែលបានប្រែក្លាយអោយទៅរមណីដ្ឋាន ទីកំសាន្តរីករាយ មជ្ឃដ្ឋាន កីឡា ឆ្នេរសមុទ្រ តាមជ្រលង ដងអូរ ជាដើម..។

ង.ទេសចរណ៍ជំនួញ

ជាការកំសាន្ត លំហែររបស់ពួកទេសចរណ៍ ដែលជាអ្នកវិនិយោគទុន ដើម្បីស្វែងរកទីតាំងវិនិយោគ និងជាបញ្ហាសំខាន់ ទាក់ទងទៅនឹងវិស័យឧស្សាហកម្ម ឬ ឧស្សាកម្មទេសចរណ៍។