តើគោលបំណងនៃការស្រាវជ្រាវគឺជាអ្វី ?

គោលបំណងនៃការស្រាវជ្រាវ គឺផ្នែកសំខាន់បំផុតនៃការស្រាវជ្រាវម៉ាឃីធីងគឺការរាយការណ៍នូវគោលបំណងរបស់អង្គភាពនូវអ្វីដែលអង្គភាពសង្ឃឹមថាត្រូវសម្រេចឲ្យបានជាមួយនឹងការសិក្សាស្រាវជ្រាវរបស់គេ ។ គោលបំណងនៃការស្រាវជ្រាវរបស់អង្គភាពតែងតែត្រូវបានកំណត់ដោយអ្នកគ្រប់គ្រងថ្នាក់ខ្ពស់ មុនពេលវាឈានទៅដល់ភាពជាព័ត៌មានសម្រាប់អ្នកគ្រប់គ្រងថ្នាក់ក្រោមៗ ។ គោលបំណងត្រូវបានបញ្ជាក់ឲ្យបានច្បាស់លាស់ ហើយនឹងបញ្ជាក់ន័យឲ្យបានត្រឹមត្រូវ ។ តែទោះបីជាយ៉ាងណាក៏ដោយ ក៏ការកត់សម្គាល់រកបញ្ហាអាចមានការលំបាកផងដែរ ។ គោលបំណងតំណាងឲ្យភាពនៃបរិមាណ និងភាពនៃគុណភាពគោលដៅរបស់ក្រុមហ៊ុនសម្រាប់ពេលវេលានៃផែនការ ។ ក្រុមហ៊ុនមិនគួរវិនិច្ឆិន័យទុកជាមុននូវបញ្ហានោះទេ ។ ការស្រាវជ្រាវម៉ាឃីធីងនឹងបរាជ័យ បើសិនជាគ្រាន់តែសួរ ដើម្បីបញ្ជាក់នូវទ្រឹស្តីដែលមានស្រាប់នៃការប្រព្រឹត្តនៃអង្គភាព ។