វិញ្ញាសាត្រៀមប្រលងបាក់ឌុប មុខវិជ្ជាជីវៈវិទ្យា ( វិញ្ញាសាទី៤១)

សំនួរ

១. តើភាវៈរស់អាចបន្សល់អ្វីខ្លះទុកជាផូស៊ីល ?

២. តើផូស៊ីលជាអ្វី ?

៣. តើផូស៊ីលមានសារៈសំខាន់អ្វីខ្លះ ?

៤. តើគេប្រើវិធីអ្វីខ្លះដើម្បីកំណត់អាយុផូស៊ីល ?

ចម្លើយ

១. ភាវៈរស់អាចបន្សល់ទុកដូចជាសំបកសារពាង្គកាយជាពុម្ពខាងក្នុង ឬខាងក្រៅហើយអាចជាសារពាង្គកាយទាំងមូលដែលកប់ក្នុងជ័រ ឬក្នុងទឹកកកដែលជាកំណត់ត្រាផូស៊ីល ។

២. ផូស៊ីលគឺជាស្នាមឬសំណល់ភាវៈរស់ដែលមានជីវីតរស់នៅកាលពីជំនាន់មុនយូរមកហើយ ។

៣. ផូស៊ីលមានសារៈសំខាន់ដូចជាៈ ធ្វើអោយគេអាចស្គាល់ពីប្រវត្តិនៃការកកើតភាវៈរស់នៅលើផែនដីស្គាល់ការកកើតការរីកចម្រើន និងការេលត់ផុតពូជនៃប្រភេទភាវៈរស់ខ្លះ ។

៤. ដើម្បីកំណត់អាយុផុស៊ីលគេប្រើវិធីដូចជាៈ

• ការកំណត់តាមស្រទាប់សិលាៈ ផូស៊ីលដែលមានអាយុច្រើនជាងគេស្ថិតនៅស្រទាប់សិលាក្រោមគេ ហើយផូស៊ីលដែលមានអាយុតិចជាងគេ ស្ថិតនៅក្នុងស្រទាប់កោសិកាលើគេ ។
• ការកំណត់តាមសារធាតុវិទ្យុសកម្មៈ វិធីនេះដោយប្រើប្រាស់ធាតុវិទ្យុសកម្មC14  ចំពោះផូស៊ីលដែលមានអាយុ ៧០០០ឆ្នាំតែចំពោះផូស៊ីល ដែលមានអាយុច្រើនជាងនេះ ឬរាប់លានឆ្នំាគេប្រើសារធាតុវិទ្យុសកម្មអុយរ៉ាណ្យូមឬរ៉ាដ្យូម ។​