តើអំពើហឹង្សាក្នុងគ្រួសារមានប៉ុន្មានប្រភេទ ?

អំពើហិង្សាក្នុងគ្រួសារមាន ៤ប្រភេទដូចខាងក្រោមៈ

          ១. អំពើហឹង្សាផ្លូវកាយៈ ជាសកម្មភាពទាំងឡាយណាដែលធ្វើអោយប៉ះពាល់ដល់រូបរាងកាយ ទោះមានស្នាម ឬអត់មានស្នាម ដូចជាការវាយដំដៃ ឬដំបងជាដើម

          ២. អំពើហឹង្សាផ្លូវចិត្តៈ ជាសកម្មភាពទាំងឡាយណាដែលធ្វើអោយប៉ះពាល់ផ្លូវចិត្តរបស់គេ ហើយមិនអាចទទួលយកបាន ដូចជាការប្រើពាក្យសំដីជេរប្រមាថ គំរាមកំហែង បំបិទ សិទ្ធិសេរីភាព

          ៣. អំពើហឹង្សាផ្លូវភេទៈជាសកម្មភាពធ្វើឲ្យប៉ះពាល់ដល់ផ្លូវភេទតាមរយៈការរំលោភផ្លូវភេទ ធ្វើរឿងអាស្រូវអាសអាភាស ការបៀតបៀនកេរ្តិ៍ខ្មាស ដូចជាការបង្ខំរួមភេទ ជាមួយប្រពន្ធការបង្ហាញរូបភាពអាសអាភាស

          ៤. អំពើហឹង្សាផ្នែកសេដ្ឋកិច្ចៈ ជាសកម្មភាពបំផ្លិចបំផ្លាញទ្រព្យសម្ប្តតិ បិទសិទ្ធិក្នុងការរកប្រាក់ចំណូល និងចូលរួមចាត់ចែងទ្រព្យសម្បត្តិ ឬមិនឲ្យទៅធ្វើការរកប្រាក់ចំណូល ។