ការគ្រប់គ្រងមាន ២ បែបគឺ ៖
- ការគ្រប់គ្រងតាមបែបវិទ្យាសាស្ត្រ (The Science of Management) មានកិច្ចការ និងបញ្ហាគ្រប់គ្រងជាច្រើនត្រូវសម្រេចតាមគន្លង ដូចជាហេតុផល តក្កភាព ប្រព័ន្ធការងារដោយអ្នកគ្រប់គ្រងអាចប្រមូលទិន្នន័យពិត និងព័ត៌មានផ្សេងៗ ។ ពួកគេអាចប្រើប្រាស់តាមគំរូរបច្ចេកទេសជំនាញផ្នែកការធ្វើសេចក្តីសម្រេច និងការត្រួតពិនិត្យបរិមាណ ដើម្បីឈានទៅដល់ការសម្រេចមួយដែលមានភាពត្រឹមត្រូវគេយកបែបវិទ្យាសាស្រ្តមកដោះស្រាយរាល់បញ្ហាតាមពេលវេលាដ៏សមស្រប ជាពិសេសនៅពេលដែលពួកគេអនុវត្តការងារតាមលក្ខណៈបច្ចេកទេស ឬតាមបទដ្ឋានការងារត្រង់ៗនោះ ។
- ការគ្រប់គ្រងតាមបែបសិល្បៈ (The Art of Management) ទោះបីជាអ្នកគ្រប់គ្រងព្យាយាមប្រើប្រាស់តាមបែបវិទ្យាសាស្ត្រអោយបានច្រើនតាមតែអាចធ្វើទៅបាន ក៏គេត្រូវសម្រេចនិងដោះស្រាយបញ្ហាដោយផ្អែកទៅលើការគ្រប់គ្រងតាមបែបសិល្បៈខ្លះដែរ ដែលមានមូលដ្ឋានដូចជាបទពិសោធន៍ ការយល់ដឹង និងសភាវគតិដោយផ្សាភ្ជាប់នឹងគំនិតប្រាជ្ញា ផ្នែកទំនាក់ទំនង ផ្នែកបុគ្គលិក និងផ្នែកគ្រប់គ្រងពេលវេលា ។
