ករណីនេះប្រសិនបើគាត់គ្មានប្រាក់សងទៅម្ចាស់បំណុល តើកូនបំណុលនោះអាចមានទោសដែរទេ ?

បើយើងនិយាយពីរឿងទាក់ទងនឹងកិច្ចសន្យាជំពាក់លុយកាក់គ្នា គឺកូនបំណុលអត់មានទោសទេ ប៉ុន្តែគេអាចរឹបអូសអាជីវកម្មរឹបអូសទ្រព្យសម្បត្តិ ដើម្បីទូទាត់សងម្ចាស់បំណុលជាសំណង ។ ទាក់ទងនឹងទោសព្រហ្មទណ្ឌ បើយើងពិនិត្យទាក់ទងនឹងរឿងជំពាក់បំណុល ដែលមិនមែនជាលក្ខណៈឆបោកអីទេអាហ្នឹងគឺស្ថិតក្នុងរឿងរដ្ឋប្បវេណី ។ រឿងរដ្ឋប្បវេណី គឺគេអត់និយាយពីរឿងទោសព្រហ្មទណ្ឌទេគេនិយាយពីរឿងសំណង បើយើងអត់លុយសងគេទេ គឺគេរឹបអូសយកទ្រព្យសម្បត្តិ ដើម្បីយកទៅលក់ឡាយឡុងសងម្ចាស់បំណុល ។ រឿងបែបនេះមួយរយភាគរយគឺគ្មានទោសព្រហ្មទណ្ឌទេនេះ បើរឿងនោះជារឿងរដ្ឋប្បវេណីសុទ្ធសាធ ។