តើចំណែកមត៌កតាមច្បាប់គឺជាអ្វី ?

យើងអាចយល់ជាទូទៅបានថាចំណែកមត៌កតាមច្បាប់ គឺជាផ្នែកមួយនៃមត៌កដែលជនត្រូវបានសន្មតថាជាសន្តតិជន ត្រូវទទួលបានតាមបញ្ញតិរបស់ច្បាប់ ចំពោះមត៌កដែលមតកជនមាន ។ សន្តតិជនអាចមានចំនួនច្រើនហៅថា សហសន្តតិជន ហើយចំណែកមត៌ករបស់សហសន្តតិជនទាំងនោះ ពុំមានលក្ខណៈស្មើៗគ្នាឡើយអាស្រ័យលើទំនាក់ទំនងញាតិដែលមតកជនមាន ។ ចំណែកមត៌កតាមច្បាប់ ជាវិធីមួយដែលត្រូវបានយកអនុវត្តនៅពេលដែលសហសន្តតិជនធ្វើការពិភាក្សាបែងចែកមត៌កក្រៅប្រព័ន្ធតុលាការ ហើយក៏ត្រូវយកទៅអនុវត្តផងដែរនៅតុលាការតាមរយៈបណ្តឹងរបស់សន្តតិជនណាម្នាក់ ដែលមិនយល់ព្រមលើការបែងចែកមត៌កលើការពិភាក្សាបែងចែកមត៌កនោះ ។