វិញ្ញាសាប្រវត្តិវិទ្យា ប្រឡងឆមាសលើកទី១ ថ្នាក់ទី១២ ២១ មីនា ២០១២ (ថ្នាក់វិទ្យាសាស្ត្រ)

ប្រឡងឆមាសលើកទី១ ថ្នាក់ទី១២
សម័យប្រឡងៈ ២១ មីនា ២០១២
វិញ្ញាសាៈ ប្រវត្តិវិទ្យា (ថ្នាក់វិទ្យាសាស្ត្រ)
រយៈពេលៈ ៦០នាទី
ពិន្ទុៈ ៥០ពិន្ទុ

I.(៤ពិន្ទុ) តើស្ថានភាពប្រទេសបារាំងក្រោយសង្គ្រាមលោកលើកទី២មានលក្ខណៈដូចម្តេច?

II.(៦ពិន្ទុ) ចូរនិយាយពីស្ថានភាពប្រទេសអាឡឺម៉ង់ក្នុងសង្គ្រាមលោកលើកទី២។

III.(៦ពិន្ទុ)

   ១.តើប្រទេសបារាំងសព្វថ្ងៃស្ថិតនៅក្នុងរបបសាធារណរដ្ធទីប៉ុន្មាន?

   ២.តើនរណាជាអ្នកបង្កើតរបបសាធារណរដ្ធ?

   ៣.តើរបបនេះមានទិសដៅអ្វីខ្លះ?

   ៤.ហេតុអ្វីបានជាបារាំងជំទាស់មិនឱ្យអង់គ្លេសចូលជាសមាជិកផ្សាររួមអឺរ៉ុប?

IV.(៦ពិន្ទុ)

   ១.តើម៉ាការ៉េតថាត់ធី ឡើងកាន់អំណាចនៅឆ្នាំណា?

   ២.ហេតុអ្វីបានជាអ្នកស្រីកាន់អំណាចបានរហូតដល់១១ឆ្នាំ?

V.(៨ពិន្ទុ)

   ១.តើប្រធានាធិបតីសហរដ្ធអាមេរិកដែលអនុវត្តនយោបាយព្រំដែនថ្មីឈ្មោះអ្វី?

   ២.តើនយោបាយព្រំដែនថ្មីមានខ្លឹមសារដូចម្តេចខ្លះ?

   ៣.តើប្រធានាធិបតីនោះបានធ្វើអ្វីខ្លះដើម្បីទប់ស្កាត់កុំឱ្យផ្ទុះសង្គ្រាមលោកលើកទី៣?

ចម្លើយ

I.(៤ពិន្ទុ) ស្ថានភាពប្រទេសបារាំងក្រោយសង្គ្រាមលោកលើកទី២មានលក្ខណៈ

• អ្វីៗត្រូវខ្ទេចខ្ទាំដោយសារសង្គ្រាមដូចជា ទីក្រុង រោងចក្រ ផ្លូវថ្នល់ កំពង់ផែ
• ប្រជាជនបារាំងត្រូវបាត់បង់ជីវិតអស់ ៧៥០ ពាន់នាក់
• សេដ្ធកិច្ចបារាំងជួបឧបសគ្គយ៉ាងធ្ងន់ធ្ងរ (អតិផរណា)
• ជួប្រទះវិបត្តិសេដ្ធកិច្ច សង្គម និងវិបត្តិនយោបាយដោយសារឥទ្ធិពលសហភាពសូវៀតនៅក្នុងសមាជិករដ្ធាភិបាល។

II.(៦ពិន្ទុ) ស្ថានភាពប្រទេសអាឡឺម៉ង់ក្នុងសង្គ្រាមលោកលើកទី២

• នៅសមរភូមិខាងកើតកងទ័ពសូវៀតបានវាយបំបាក់កងទ័ពអាឡឺម៉ង់
• នៅសមរភូមិខាងលិចកងទ័ពអាមេរិកបានវាយឡើងឆ្នេរណរម៉ង់នី នៅថ្ងៃទី ៦ មិថុនា ១៩៤៤
• កងទ័ពសម្ព័ន្ធមិត្តបានវាយចូលអាឡឺម៉ង់ពីខាងលិច ចំណែកកងទ័ពក្រហមវាយចូលពីខាងកើត
• ប្រជាជនអាឡឺម៉ង់ត្រូវបានគេសម្លាប់ ចំណែកទីក្រុងធំៗត្រូវបំផ្លាញ
• អ៊ីត្លែរបានធ្វើអត្តឃាតនៅពេលកងទ័ពសម្ព័ន្ធមិត្តចូលកាន់កាប់ទីក្រុវប៊ែរឡាំង
• នៅថ្ងៃទី ៨ ខែឧសភា ឆ្នាំ ១៩៤៥ អាំឡឺម៉ង់បានប្រកាសចាញ់សង្គ្រាម។

III.(៦ពិន្ទុ)

១.ប្រទេសបារាំងសព្វថ្ងៃស្ថិតនៅក្នុងរបបសាធារណរដ្ធទី ៥

២.អ្នកបង្កើតរបបសាធារណរដ្ធ គឺលោក សាល ដឺហ្គោល

៣.របបនេះមានទិសដៅ

• សេដ្ធកិច្ច៖ ធ្វើឱ្យរីកចម្រើនលើគ្រប់វិស័យ ជាពិសេសធ្វើឱ្យប្រាក់ហ្វ្រង់មានតម្លៃ បង្កើតឧស្សាហកម្មខ្នាតធំ អភិវឌ្ឃន៍បច្ចេកវិទ្យាបរមាណូ និងទីអវកាស ធ្វើឱ្យសង្គមបារាំងក្លាយជាសង្គមសម្ភារៈនិយមតាមបែបសម័យ។
• នយោបាយ៖ យកគម្រូតាមរដ្ធធម្មនុញ្ញសហរដ្ធអាមេរិក ដោយផ្តល់អំណាចដល់ប្រធានាធិបតី

៤.បានជាបារាំងជំទាស់មិនឱ្យអង់គ្លេសចូលជាសមាជិកផ្សាររួមអឺរ៉ុប ព្រោះ

អង់គ្លេសជាសម្ព័ន្ធមិត្តដ៏ជិតស្និទ្ធជាមួយសហរដ្ធអាមេរិក។ បារាំងចង់រក្សាឯករាជ្យ និងអធិបតេយ្យភាព មិនចង់ឱ្យមានឥទ្ធិពលសហរដ្ធអាមេរិកនៅទ្វីបអឺរ៉ុប។

IV.(៦ពិន្ទុ)

១.ម៉ាការ៉េតថាត់ធី ឡើងកាន់អំណាចនៅឆ្នាំ ១៩៧៩។

២.បានជាអ្នកស្រីកាន់អំណាចបានរហូតដល់១១ឆ្នាំ ព្រោះ៖

• ជាអ្នកនយោបាយថ្មីដែលពុំសូវមានអ្នកប្រឆាំង
• អ្នកស្រីមានស្នាដៃច្រើនដូចជា សង្គ្រាមនៅកោះហ្វកឡិន បង្កើតឧស្សាហកម្មខួងប្រេង ដោះស្រាយវិបត្តិសេដ្ធកិច្ច

V.(៨ពិន្ទុ)

១.ប្រធានាធិបតីសហរដ្ធអាមេរិកដែលអនុវត្តនយោបាយព្រំដែនថ្មីឈ្មោះ កេណ្ណីឌី។

២.នយោបាយព្រំដែនថ្មីមានខ្លឹមសារដូច៖

• ប្រយុទ្ធប្រឆាំងនិងភាពក្រីក្រ
• ប្រឆាំងនឹងការប្រកាន់ពូជសាសន៍
• និងការយឺតយ៉ាវផ្នែកវិទ្យាសាស្ត្របច្ចេកវិទ្យា ដែលជាវិបត្តិបន្សល់ទុកពីប្រធានាធិបតីអាណត្តិមុន។

៣.ប្រធានាធិបតីនោះបាន រារាំងដោយជោគជ័យ មិនឱ្យសហភាពសូវៀតយកក្បាលបរមាណូដាក់តាំងនៅលើកោះ គុយបា ដោយគំរាមវាយឡើងកោះនេះ ដើម្បីទប់ស្កាត់កុំឱ្យផ្ទុះសង្គ្រាមលោកលើកទី ៣។