ចូរនិយាយពីទំនាក់ទំនងអព្ភន្តរញាណ និងវិចារ។

អព្ភន្តរញាណ និងវិចារ ជាទម្រង់២នៃពុទ្ធិដែលមានកម្រិតខុសគ្នាតែបំពេញគ្នាទៅវិញទៅមក។ អព្ភន្តរញាណ ជាអ្នកស្វែងរកទំនាក់ទំនងផ្តល់គោលការណ៍ ដំបូងឱ្យវិចារ (ជាអ្នកផ្តល់សម្ភារៈសំណង់)។ ឯវិចារវិញ ជាអ្នកបង្ហាញភស្តុតាងនៃទំនាក់ទំនង ម៉្យាងទៀតដោយវាមានភាពយឺតនឹងរកម្រភ្លាត់ភ្លាំង ដូចនេះវាជាអ្នកបញ្ជាក់បន្ថែម (ជាអ្នកចំរាញ់ការប្រើប្រាស់សម្ភារៈសំណាង់)។

អព្ភន្តរញាណ និងវិចារ ជាទម្រង់ពីរនៃពុទ្ធិដែលមានកម្រិតខុសគ្នាតែត្រូវការគ្នា និងបំពេញគ្នាទៅវិញទៅមកតាមបែបផ្សេងៗក្នុងមែកធាងនានានៃពុទ្ធិដូចជា

• អព្ភន្តរញាណជាអ្នកចាប់យកនូវរបកគំហើញ ឯវិចារជាអ្នកវិភាគលើរកគំហើញនោះ
• អព្ភន្តរញាណជាអ្នកផ្តល់សម្ភារៈសំណង់ ឯវិចារជាអ្នកចំរាញ់ការប្រើប្រាស់សម្ភារៈនោះ
• អព្ភន្តរញាណជាអ្នករកឃើញនូវទំនាក់ទំនង ឯវិចារជាអ្នកបង្ហាញនូវតម្លៃនៃទំនាក់ទំនងនោះ
• អព្ភន្តរញាណមានភាពរហ័សពេកខ្វះហេតុផល ដូចនេះវាត្រូវការវិចារដែលមានភាពយឺតកម្រភ្លាំងភ្លាត់។