ហេតុអ្វីបានជាតារាខ្លះ ក្លាយជាតារាក្រិសពណ៌ស ហើយតារាខ្លះក្លាយជាតារាណឺត្រុង ឬប្រហោងខ្មៅ ?

បានជាតារាខ្លះក្លាយជាតារាក្រិសពណ៌ស ហើយតារាខ្លះក្លាយជាតារាណឺត្រុង ឬប្រហោងខ្មៅព្រោះតារាមានប្រភេទតារាផ្សេងៗ គ្នាដូចជាតារាតូច តារាមធ្យម តារាធំ និងតារាស្តេចយក្ស ។ ជីវីតតារាទាំងនេះគឺអាស្រ័យទៅនឹងម៉ាស់របស់វា ។ តារាមានម៉ាស់កាន់តែធំ​ មានអាយុកាន់តែខ្លី ។ នៅពេលតារាទាំងនេះប្រើប្រាស់ឥន្ធនៈអស់​ វានឹងវិវត្តន៍ទៅជាតារាខុសៗគ្នា ។ នៅពេលតារាតូច និងតារាមធ្យមប្រើប្រាស់ឥន្ធនៈអស់ វានឹងវិវត្តន៍ទៅជាតារាយក្សក្រហម និងទីបំផុតវាក្លាយទៅជាតារាក្រិសពណ៌ស ហើយបន្ទាប់ពីតារាស្តេចយក្សប្រើឥន្ធនៈអស់ វាក៏ផ្ទុះ ហើយរូបធាតុដែលនៅសេសសល់ពីការផ្ទុះនេះកើតទៅជាតារាណឺត្រុង ។ នៅពេលតារាដែលមានម៉ាស់ធំជាងព្រះអាទិត្យ ៤០ដង ប្រើឥន្ធនៈអស់វានឹងស្លាប់ និងអាចក្លាយទៅជាប្រហោងខ្មៅ ។