ប្រទេសណាខ្លះ ដែលបានចុះហត្ថលេខាបង្កើតអាស៊ានដំបូង ? តំណាងប្រទេសនីមួយៗឈ្មោះអ្វីខ្លះ ?

ប្រទេសដែលបានចុះហត្ថលេខា បង្កើតអាស៊ាន​ដំបូងមានប្រាំប្រទេសគឺ ប្រទេសឥណ្ឌូនេស៊ី ប្រទេសម៉ាឡេស៊ី ប្រទេសថៃ ប្រទេសភីលីពីន និងប្រទេសសឹង្ហបុរី ។ អ្នកតំណាងនៃការចុះហត្ថលេខានោះមាន៖

• លោក អាដាម មាលិកៈ រដ្ឋមន្រ្តីជាន់ខ្ពស់ ទទួលកិច្ចការនយោបាយ និងជារដ្ឋមន្រ្តីក្រសួងការបរទេសនៃប្រទេសឥណ្ឌូនេស៊ី ។
• លោក ទុន​ អាប់ដុល រ៉ាហ៉្សាក់ៈ ជាឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ និងជារដ្ឋមន្រ្តីក្រសួងអភិវឌ្ឍន៍ជាតិ នៃប្រទេសម៉ាឡេស៊ី ។
• លោក ណាស៊ីសូ រ៉ាមូសៈ រដ្ឋមន្រ្តីក្រសួងការបរទេសនៃប្រទេសហ្វីលីពីន ។
• លោក អេស រ៉ា​ចារ៉ាតនេមៈ រដ្ឋមន្រ្តីក្រសួងការបរទេសនៃប្រទេសសឹង្ហបុរី ។
• លោក ថាណាត ខូម៉ាន់ៈ រដ្ឋមន្រ្តីក្រសួងការបរទេសនៃប្រទេសថៃ ។