វិញ្ញាសាវប្បធម៌ទូទៅសម្រាប់ត្រៀមប្រឡងពេទ្យ (វិញ្ញាសាទី១៨)

សំណួរ

១. តើនៅក្នុងព្រះពុទ្ធសាសនាការសុំសីលមានប៉ុន្មានដងក្នុងមួយខែ ? ថ្ងៃណាខ្លះ ?

២. តើព្រះពុទ្ធសាសនាមានគម្ពីរអ្វីខ្លះជាគោលចែកជាអ្វីខ្លះ ?

៣. តើពិធីបុណ្យណាខ្លះដែលជាពិធីបុណ្យពុទ្ធសាសនា ? ពិធីបុណ្យណាខ្លះជាពិធីបុណ្យចំរុះរវាងព្រះពុទ្ធសាសនា និងព្រហ្មញ្ញសាសនា ?

៤. ចូររាប់ឈ្មោះបុណ្យរាជ្យប្បវេណីឱ្យបានបីបុណ្យប្រជាប្រិយឱ្យបានមួយ បុណ្យអន្តរជាតិឱ្យបានប្រាំ និងបុណ្យជាតិឱ្យបានមួយ ?

៥. ចូរនិយាយពីទំនៀមទម្លាប់អុជធូប៣សរសៃ ៥និង ៩សរសៃមានន័យដូចម្តេច ?

ចម្លើយ

១. មាន៤ដងក្នុងមួយខែគឺ ៖

• ថ្ងៃ៨កើត
• ថ្ងៃ១៥កើតថ្ងៃពេញបូរមី
• ថ្ងៃ៨រោច
• ១៤ឬ១៥រោចឬខែដាច់ ។

២. ព្រះពុទ្ធសាសនាមានគម្ពីរព្រះត្រៃបិដកដែលចែកជា ៖

• គម្ពីរវិន័យបិដកឬព្រះវិន័យមាន ១៣ភាគនិង២១០០០ធម្មក្ខ័ន ។
• គម្ពីរសុត្តន្តបិដកឬព្រះសូតមាន ៦៤ភាគ និង២១០០០ធម្មក្ខ័ន ។
• គម្ពីរអភិធម្មបិដកឬព្រះអភិធម្មមាន ៣៣ភាគនិង៤២០០០ធម្មក័្ខន ។ សរុបមាន ១១០ភាគនិង៨៤០០០ធម្មក្ខ័ន ។

៣. ពិធីបុណ្យតាមបែបព្រះពុទ្ធសាសនាមានដូចជា ៖

• ពិធីបុណ្យចូលព្រះវស្សា
• ពិធីបុណ្យចេញព្រះវស្សា
• ពិធីបុណ្យផ្កា
• ពិធីបុណ្យភ្ជុំបិណ្ឌ
• ពិធីបុណ្យបច្ច័យបួន
• ពិធីបុណ្យបង្សកូល
• ទេសនាមហាជាតក
• បំបួសនាគ
• ពិសាខបូជា
• មាឃបូជា ។

ពិធីបុណ្យតាមបែបចំរុះរវាងព្រះពុទ្ធសាសនានិងព្រះហ្មញ្ញសាសនាមានដូចជា ៖

• ពិធីបុណ្យចម្រើនព្រះបរិត្ត
• ពិធីស្រោចទឹករំដោះគ្រោះកម្ម
• ច្រត់ព្រះនង្គ័ល
• សូត្រមន្តរំដោះគ្រោះកម្ម ។

៤. បុណ្យរាជប្បវេណីមានដូចជា ៖

• បុណ្យអុំទូក
• បុណ្យចម្រើនព្រះជន្ម
• បុណ្យច្រត់ព្រះនង្គ័ល

បុណ្យប្រជាប្រិយមានដូចជា ៖

• បុណ្យចូលឆ្នាំខ្មែរ

បុណ្យអន្តរជាតិមានដូចជា ៖

• បុណ្យសិទ្ធមនុស្ស
• បុណ្យសិទ្ធនារី
• បុណ្យទិវាពលកម្មអន្តរជាតិ
• បុណ្យការងារ
• បុណ្យកុមារ ។

បុណ្យជាតិមានដូចជា ៖

• បុណ្យឯករាជ ។

៥. ទំនៀមទំលាប់អុជធូប៣សរសៃ ៥ ឬ៩សរសៃមានន័យថា

• អុជធូប៣សរសៃ តំនាងឱ្យគុណព្រះពុទ្ធ ព្រះធម៌ ព្រះសង្ឃ
• អុជធូប៥សរសៃ តំនាងឱ្យព្រះពុទ្ធប្រាំអង្គ ឬទិសទាំងប្រាំ (លិច កើត ជើង ត្បូង និងកណ្តាល)
• អុជធូប៩សរសៃស តំនាងឱ្យទិសទាំងប្រាំបួនគឺ បូព៌​ អាគ្នេយ៍ ទក្សិណ និរតី បស្ចិម ពាយ័ព្យ ឧត្តរ ឦសាន និងទិសកណ្តាល ។​