វិញ្ញាសាវប្បធម៌ទូទៅសម្រាប់ត្រៀមប្រឡងពេទ្យ (វិញ្ញាសាទី១៤)

សំណួរ

១. ផលចំណេញពីអភិបាលកិច្ចល្អមានអ្វីខ្លះ ?

២. តើលក្ខណៈនៃអភិបាលកិច្ចល្អមានអ្វីខ្លះ ?

៣. តើគោលដៅចំបងរបស់យុទ្ធសាស្រ្តចតុកោណគឺជាអ្វី ?

៤. តើព្រះពុទ្ធបានត្រាស់ដឹងអ្វីខ្លះ ?

៥. តើព្រះពុទ្ធអង្គបានបំពេញនៅពុទ្ធកិច្ចអ្វីខ្លះ ? ហើយអស់រយៈពេលប៉ុន្មានព្រះវស្សា ?

ចម្លើយ

១. ផលចំណេញពីអភិបាលកិច្ចល្អមានដូចជា ៖

• ប្រជាពលរដ្ឋពេញចិត្ត
• មានភាពរុងរឿងជាទូទៅ
• ប្រទេសមានសន្តិសុខ
• មន្ត្រីរដ្ឋាភិបាលទទួលបាននៅការគោរពស្រឡាញ់និងរង្វាន់
• ថ្នាក់ដឹកនាំត្រូវបានពលរដ្ឋបោះឆ្នោតឱ្យទៀតហើយមានចិត្តរីករាយ ។

២. លក្ខណៈនៃអភិបាលកិច្ចល្អមាន ៖

• ផ្តល់សេវាជូនសាធារណៈ
• ផ្តល់ឳកាសជូនសាធារណៈ
• មានការទទួលខុសត្រូវ
• មានការចូលរួមរបស់ប្រជាពលរដ្ឋ
• តម្លាភាពភាពមិនលាក់លៀម
• មានការចាត់ចែងល្អ ។

៣. គោលដៅចំបងរបស់យុទ្ធសាស្រ្តចតុកោណគឺជាការឈានឆ្ពោះទៅសំរេចឱ្យបានទៅការកាត់បន្ថយភាពក្រីក្រការអភិវឌ្ឍភាពនិងវិបុលភាពព្រមទាំងភាពសុខដុមរមនានិងសុភមង្គលជូនប្រជាជនកម្ពុជា ។

៤. ព្រះពុទ្ធបានត្រាស់ដឹងនូវសម្មាសម្ពោធិញ្ញាណគឺ អរិយសច្ចៈ ៤គឺ ៖

• ទុក្ខសច្ចៈ
• សមុទ្រសច្ចៈ
• និរោធសច្ចៈ
• មគ្គសច្ចៈ ។

៥. ព្រះពុទ្ធអង្គបានបំពេញនៅពុទ្ធកិច្ចដូចជា ៖

• ពេលព្រឹកទ្រង់និមន្តបិណ្ឌបាត
• ពេលរសៀលទ្រង់សម្តែងធម៌ទេសនាដល់សាធារណៈជន
• ពេលព្រលប់ទ្រង់ប្រទានឳវាទដល់ភិក្ខុសង្ឃ
• ពេលកណ្តាលអធ្រាទ្រង់ដោះប្រស្នាពួកទេវតា
• ពេលទាបភ្លឺទ្រង់ប្រមើលមើលឧបនិស្ស័យសត្វលោក ។ ពុទ្ធកិច្ចនេះមានរយៈពេល ៤៥ព្រះវស្សា ។