សំនួរ
១. តើអ្នកដឹកនាំមានមុខងារយ៉ាងដូចម្តេច ?
២. ចូរនិយាយអំពីគំនិតសំខាន់ៗ ក្នុងការកំណត់គោលដៅមនុស្សម្នាក់ៗ ។
៣. តើចម្រៀងជាតិនៃព្រះរាជាណាចក្រកម្ពុជាមានអត្ថន័យនិងខ្លឹមសារយ៉ាងមិច ?
៤. ប្រទេសដ៏សមគួរសម្តៅដល់ប្រទេសដែលមានអ្វីខ្លះ ?
៥. តើសមហគមន៍អភិវឌ្ឍន៍ត្រូវធ្វើដូចម្តេចខ្លះ ?
ចម្លើយ
១. អ្នកដឹកនាំមានមុខងារ ដូចតទៅ៖
- មុខងារធ្វើផែនការ គឺជាការកំណត់សកម្មភាពសំខាន់ៗ ដើម្បីអនុវត្តតាមទិសដៅដែកបានកំណត់ទុក ។
- មុខងារចាត់ចែង គឺទាមទារឲ្យអ្នកដឹកនាំត្រូវយល់ពីភារកិច្ចនិងកិច្ចការឲ្យបានល្អិតល្អន់ ក្នុងការចាត់ចែងកិច្ចការទាំងមូល
- មុខងារដឹកនាំ គឺបង្ហាញឲ្យឃើញពីសមត្ថភាពអ្នកដឹកនាំចូលរួមផ្ទាល់ ជំរុញការងារណែនាំសកម្មភាពនៅក្រោមបង្គាប់ឲ្យធ្វើតាមគោលដៅដែលបានកំណត់ដោយ ឈរលើស្មារតីទទួលខុសត្រូវផ្នែកសីលធម៌និងវិន័យការងារ
- មុខងារត្រួតពិនិត្យ គឺពាក់ព័ន្ធនិងការវាយតម្លៃ វិនិច្ឆ័យលើការងារនិងលើលទ្ធផលដែលបានអនុវត្តហើយប្រៀបធៀបនិងផែនការដែលបានកំនត់ទុកជាស្រេច ។
២. និយាយអំពីគំនិតសំខាន់ៗ ក្នុងការកំណត់គោលដៅមនុស្សម្នាក់ៗគឺ៖
- ត្រូវកំណត់គោលដៅដែលយើងចង់ធ្វើ
- ធ្វើតាមធនធាននិងលទ្ធភាពដែលអាចធ្វើបាន
- ធ្វើតាមចំណងចំណូលចិត្តនិងជំនាញរបស់ខ្លួនទើបអាចឈានទៅរកការសម្រេចគោលដៅ
- ថែរក្សាសុខភាពនិងប្រមាណកម្លាំងថាមពលរបស់ខ្លួន
- ត្រូវតស៊ូព្យាយាមជម្នះរាល់ឧបសគ្គ ដែលបានជួបប្រទះក្នុងការងារ ។
៣. ចម្រៀងជាតិនៃព្រះរាជាណាចក្រកម្ពុជាមានអត្ថន័យនិងខ្លឹមសារដូចតទៅ៖
- វគ្គទី១៖ ការបួងសួងដល់ទេវតា សូមជួយថែរក្សាអង្គព្រះមហាក្សត្រខ្មែរប្រកបដោយបារមីខ្លាំងក្លា មានទសពិធរាជធម៌ដែលបានដឹកនាំ កសាងប្រាសាទអង្គរនិងគ្រប់គ្រងផែនដីខ្មែរតាំងពីបុរាណកាលមកដោយរុងរឿង ។
- វគ្គទី២៖ ប្រាសាទថ្មនៅកណ្តាលព្រៃធ្វើឲ្យរូបយើង ស្រមៃឃើញសម័យមហានគរដ៏រុងរឿងជនជាតិខ្មែរមានជំហររឹងមាំដូចថ្មបានធានានូវសំណាង របស់ប្រទេសកម្ពុជា ។
- វគ្គទី៣៖ ការរំឮកគុណដល់ ព្រះពុទ្ធសាសនានៅគ្រប់ទិសវត្តអារាម ដែលជួយឲ្យប្រទេសខ្មែរក្លាយជាមហានគរតាំងពីដូនតារៀងមក ។ បើយើងជឿជាក់និងប្រតិបត្តិតាមដូនតាយើងនិងថ្កុំថ្កើនរុងរឿងដូចសម័យមហានគរ ។
៤. ប្រទេសដ៏សមគួរសម្តៅដល់ប្រទេសដែលមាននូវ៖
- ការគោរពច្បាប់
- រក្សាការពារនូវប្រព័ន្ធបរិស្ថាន
- ប្រជាពលរដ្ឋមានទីលំនៅសមរម្យ
- មានអាហារបរិភោគគ្រប់គ្រាន់
- ការមិនប្រៀតបៀនគ្នា
- ថែរក្សាសុខភាពរបស់ប្រជាពលរដ្ឋ
- មានមណ្ឌលសុខភាព មន្ទីរពេទ្យ
- បង្កើតនូវសាលារៀនគ្រប់កម្រិតគ្រប់កន្លែង
- មានសន្តិសុខ សុវត្ថិភាព និងស្ថេរភាព
- មិនមានអំពើពុករលួយ ស៊ីសំណូក
- ប្រជាពលរដ្ឋមានការងារធ្វើគ្រប់គ្រង ។ល។
៥. សហគមន៍អភិវឌ្ឍន៍ត្រូវធ្វើដូចតទៅ៖
- សហគមន៍ត្រូវជិតស្និទ្ធជាមួយប្រជាជន
- បើកឱកាសឲ្យមហាជន សាកសួរ ផ្តល់មតិ
- ចេះចាត់ចែងរៀបចំ បែងចែការងារ
- មានទស្សនៈទូលំទូលាយទៅអនាគត
- ជំរុញការងារអភិវឌ្ឍន៍ផ្ទាល់ខ្លួនក្នុងសហគមន៍ ។
