សំនួរ
១. តើឪពុកម្តាយគួរគ្រប់គ្រងកូនរបៀបណា ?
២. តើអំពើល្អ១០យ៉ាងតាម កាយ វិចា ចិត្ត គួរប្រតិបត្តិតាមមានអ្វីខ្លះ ?
៣. តើភាពខុសគ្នារវាងរបបផ្តាច់ការនិងរបបប្រជាធិបតេយ្យ យ៉ាងដូចម្តេចខ្លះ ?
៤. ក្នុងអាណត្តិទី៤ នេះរាជរដ្ឋាភិបាលបានដាក់ចេញនូវគោលនយោបាយសេដ្ឋកិច្ចមានអ្វីខ្លះ ?
៥. ដើម្បីឲ្យអ្នកដទៃស្រឡាញ់ រាប់អានអ្នកតើអ្នកត្រូវធ្វើយ៉ាងដូចម្តេចខ្លះ ?
ចម្លើយ
១. ឪពុកម្តាយគួរគ្រប់គ្រងកូនតាមរបៀប ៖
- មានទំនាក់ទំនងល្អនិងគ្នាបង្កើតបរិយាកាសសប្បាយរីករាយយល់ពីសេចក្តីត្រូវការរបស់សមាជិកគ្រប់ៗរូប
- យល់ពិធុរៈកិច្ចសសំខាន់នៃការស្រឡាញ់យកចិត្តទុកដាក់ចិញ្ចឹមបីបាច់ថែរក្សាកូនៗឲ្យបានល្អ
- រកប្រាក់ចំណូលឲ្យបានគ្រប់គ្រាន់ដើម្បីទំនុកបម្រុងគ្រួសារ
- ធ្វើការសម្រេចចិត្តដោយផ្អែកលើផលប្រយោជន៍រួមនៅក្នុងគ្រួសារ
- ធ្វើជាគម្រូល្អក្នុងគ្រួសារ មិនលេងនូវល្បែងស៊ីសង មិនប្រើអំពើហិង្សាដែលោជះឥទ្ធិពលអាក្រក់ដល់កូនប៉ះពាល់ដល់ប្រាក់ចំណុចគ្រួសារ
- ប្រើប្រាស់គ្រប់មធ្យោបាយនិងចំណាយពេលវេលា ដើម្បីអ់ប់រំកូនឲ្យមានអាកប្បកិរិយានិងសីលធម៌ល្អ មិនប្រព្រឹត្តក្នុងផ្លូវអាក្រក់
- ស្រឡាញ់កូនឲ្យបានស្មើៗគ្នា បញ្ចូនកូនឲ្យបានរៀនសូត្រដូចៗគ្នាដោយគ្មានការរើសអើង
- បំពេញតម្រូវការរបស់កូនទាំង ផ្លូវកាយ ចិត្ត
- ចេះស្តាប់ហេតុផង មានការអត់ធ្មត់មិនប្រកាន់ទោសចំពោះកំហុសឆ្គងទាំងឡាយ ។
២. អំពើល្អ១០យ៉ាងតាមកាយ វាចា ចិត្ត គួរប្រតិបត្តិតាមរួមមាន៖
ក. អំពើល្អដោយកាយ
- ការមិនសម្លាប់ជីវិតមនុស្ស សត្វ
- ការមិនលួចបន្លំទ្រព្យសម្បត្តិអ្នកដទៃ
- ការមិនបំពានខុសច្បាប់ លើប្រពន្ធកូនគេ
ខ. អំពើល្អដោយវិចា
- ការមិននិយាយភូតភរ កុហកអ្នកដទៃ
- ការមិនប្រើពាក្យញុះញង់ អុជអាល
- ការមិនប្រើពាក្យទ្រគោះបោះបោក
- ការមិនប្រើពាក្យសម្តីឥតប្រយោជន៍
គ. អំពើល្អដោយចិត្ត
- ការមិនរំពៃចង់បានទ្រព្យសម្បត្តិគេ
- ការមិនបៀតបៀន ឈ្នានីស ព្យាបាទគេ
- ការមិនយល់ខុសចាកគន្លងធម៌ ។
៣. ភាពខុសគ្នារវាងរបបផ្តាច់ការនិងររបបប្រជាធិបតេយ្យគឺ៖
ក. របបផ្តាច់ការ
- លក្ខណៈដឹកនាំមានទម្រង់បុគ្គលនិយម
- អត្តនោម័យនិយម
- មិនផ្តល់ឱកាសឲ្យសមាជិកបញ្ចេញមតិ
- អ្នកដឹកនាំជាអ្នកដឹកនាំរាល់ផែនការ
- អំណាចប្រមូលផ្តុំទៅលើស្ថាប័ន
- អ្នកដឹកនាំច្រើនកើតពីពូជ ត្រកូល
- ដណ្តើមអំណាចដោយប្រើកម្លាំងយោធា
- ផ្ទេរអំណាចដោយបង្ហូរឈាម ។
ខ. របបប្រជាធិបតេយ្យ
- ដឹកនាំដោយយកមតិពលរដ្ឋជាធំ
- យកសម្លេងមតិភាគច្រើនក្នុងការសម្រេច
- ដឹកនាំប្រកបដោយតម្លាភាព
- មិនអត្តនោម័តនិយមជ្រុល
- ធ្វើការរួមគ្នា មិនផ្តាច់មុខតែងង
- អ្នកដឹកនាំកើតចេញពីការបោះឆ្នោត
- ផ្ទេរអំណាចដោយសន្តិវិធី គ្មានហិង្សា
- ធ្វើការតាមបែបសហវិមជ្ឈការ ។
៤. ក្នុងអាណត្តិទី៤ នេះរាជរដ្ឋាភិបាលបានដាក់ចចេញនូវគោលនយោបាយសេដ្ឋកិច្ចមាន៖
- វិស័យកសិកម្ម
- ទឹកនិងប្រព័ន្ធស្រោចកស្រព
- ហេដ្ឋារចនាសម្ព័ន្ធដឹកជញ្ជូន
- អគ្គិសនី
- ការអភិវឌ្ឍន៍ធនធានមនុស្ស
- ឧស្សាហកម្ម អត្តពលកម្ម និងនាំទំនិញចេញ
- វិស័យទេសចរណ៍
- អាជីវកម្មប្រេងកាត ឧស្ម័នធម្មជាតិ ធនធានរ៉ែ
- ព័ត៌មានវិទ្យានិងទូរគមនាគមន៍
- វិស័យពាណិជ្ជកម្ម ។
៥. ដើម្បីឲ្យអ្នកដទៃស្រឡាញ់ រាប់អានអ្នកត្រូវធ្វើដូចតទៅ៖
- ការចេះផ្តល់ទ្រព្យសម្បត្តិផ្តល់ឱកាសដល់អ្នកដទៃ ដើម្បីឲ្យគេមានលទ្ធភាពរស់នៅជាមួយយើង
- ការចេះជួយសង្គ្រោះអ្នកដទៃ នៅពេលមានអាសន្នឬជួបប្រទះនូវបញ្ហាស្មុកស្មាញទាំងឡាយ
- មានភាពមិនមើលងាយ មិនគំរាមកំហែង មិនប្រើអំពើហិង្សាផ្សេងៗ
- ការប្រកាន់ខ្ជាប់នូវព្រហ្មវិហារធម៌ទាំងបួនគឺមេត្តា ករុណា មុទិកា ឧបេក្ខា
- ភាពមិនឆាប់ខឹងង៉ក់ងរ មិនចចេសរឹងរូសមិនអាត្មានិយម
- ចេះសម្របខ្លួនឲ្យត្រូវនិងបរិយាកាសសង្គមពេលដឹងថាមានខ្លួនកំហុសឆ្គង ត្រូវចេះសារភាពកំហុសឆ្គងហើយចេះចងចាំទុកចាមេរៀនដើម្បីចៀសវាងកំហុស ឆ្គងទាំងនោះ
- ការមើលឃើញពីភាពសំខាន់របស់អ្នកដទៃ
- ចេះផ្តល់កិត្តិយសដល់អ្នកដទៃ មិនធ្វើតាមតែអំពើចិត្តរបស់ខ្លួនតែម្នាក់ឯងឡើយ
- មានភាពមិនអួតអាង មិនសម្តែងអាការៈណាដែលឆ្គាំឆ្គងឡើយ ។
