បណ្ឌិតសភាពនគរបាលកម្ពុជាមានភារកិច្ច ៖
- ធ្វើការស្រាវជ្រាវវិទ្យាសាស្ត្រ ពាក់ព័ន្ធដល់កិច្ចការសន្តិសុខ សណ្តាប់ធ្នាប់សាធារណៈ
- រៀបចំផែនការបណ្តុះបណ្តាលកងកម្លាំងនគរបាលជាតិកម្រិតបរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់និងបណ្ឌិត
- រៀបចំផែនការនិងកម្មវិធីវិក្រិតការ សុក្រឹតការដល់នាយកនគរបាល នាយកនគរបាលជាន់ខ្ពស់ នាយកនគរបាលថ្នាក់ឧត្តមសេនីយ៍ ឱ្យបានស៊ីជម្រៅលើមុខជំនាញឯកទេសនិងវិធិសាស្រ្តថ្មីៗ នៃកងកម្លាំងនគរបាលជាតិស្របតាមសភាពការសន្តិសុខ សណ្តាប់ធា្នប់សង្គម និងការអភិវឌ្ឍរបស់ប្រទេសជាតិ
- រៀបចំគម្រោងការថវិកាសម្រាប់ការងារបណ្តុះបណ្តាលកងកម្លាំងនគរបាលជាតិនិងកិច្ចដំណើរការរបស់បណ្ឌិត្យសភានគរបាលកម្ពុជា
- គ្រប់គ្រងចំណូលនិងបញ្ញាចំណាយស្របតាមនីតិវិធីហិរញ្ញវត្ថុនិងតាមគម្រោងផែនការថវិកាប្រចាំឆ្នាំ
- សិក្សាស្រាវជ្រាវនិងទំនើបភាវូបនីយ៍កម្ម ខ្លឹមសារឯកសារបង្ហាត់បង្រៀន កម្មវិធីសិក្សា និងកម្មសិក្សាប្រតិបត្តិ
- គ្រប់គ្រងមន្ត្រីនគរបាលក្រោមឱវាទនិងធ្វើការវាយតម្លៃមន្ត្រីក្រោមឱវាទ ដើម្បីស្នើសុំតែងតាំងមុខតំណែងផ្ទេរភារកិច្ច តំឡើងឋានន្តរសក្តិឬដាក់វិន័យជូនថ្នាក់ដឹកនាំក្រសួងពិនិត្យនិងសម្រេច
- ធ្វើរបាយការណ៍តាមការកំណត់ជូនដល់ក្រសួងមហាផ្ទៃ
- ទទួលអនុវត្តភារកិច្ចផ្សេងៗទៀតដែលរដ្ឋមន្ត្រីក្រសួងមហាផ្ទៃប្រគល់ឱ្យ ។
