តើអង់ស៊ីមមានចំណែកថ្នាក់ប៉ុន្មានក្រុមធំៗ ?

អង់ស៊ីមមានចំណែកថ្នាក់អង់ស៊ីមជា៦ក្រុមធំៗគឺ ៖​

• អុកស៊ីដូរេដុតាស គឺជាអង់ស៊ីម ដែលចូលរួមក្នុងប្រតិកម្មអុកស៊ីដូរេដុកម្ម (ប្រតិកម្មរេដុ) ។ ថ្នាក់រងរបស់ក្រុមនេះមាន ៖
• ដេអ៊ីដ្រូសែនណាស
• អុកស៊ីដាស
• អុកស៊ីសែនណាស
• ពែអុកស៊ីតដាស
• រេដុចតាស
• អ៊ីដ្រុកស៊ីឡាស ។
• ត្រង់ស្វ៊ែរ៉ាស គឺជាអង់ស៊ីម ដែលចូលរួមក្នុងប្រតិកម្មគីមីយថាប្រភេទដោយផ្ទេរម៉ូលេគុល ពីបណ្តុំមួយទៅបណ្តុំមួយទៀតដូចជាបណ្តុំអាមីន បណ្តុំកាបុកស៊ីល មេទីល ផូស្វរីល ។
• អ៊ីដ្រូឡាស គឺជាអង់ស៊ីម ដែលចូលរួមក្នុងប្រតិកម្មផ្តាច់សម្ព័ន្ធគីមីដោយការភ្ជាប់អ៊ីយ៉ុងH- និង អ៊ីយ៉ុងH+ ដែលបានមកពីម៉ូលេគុលទឹក (ប្រតិកម្មអ៊ីដ្រូលីស) ។ អ៊ីដ្រូលាសរួមមានកាបូអ៊ីដ្រាស (អាមីឡាស សែលុយឡាស) ប្រូតេអាស លីប៉ាស អេស្ទែរ៉ាស ផូស្វាតាស និងប៉ិបទីដាស ។
• លីយ៉ាស គឺជាអង់ស៊ីមឌេលបំបែកទឹក កាបូនឌីអុកស៊ីស និងអាម៉ូញ៉ាក់ ក្នុងនោះរួមមាន ដេអ៊ីដ្រាតាស ឌែមីណាលីយ៉ាស ។
• អ៊ីសូមេរ៉ាស គឺជាអង់ស៊ីមដែលជំរុញប្រតិកម្មក្នុងម៉ូលេគុល ដើម្បីរៀបចំម៉ូលេគុលជាថ្មីឡើងវិញ ។
• លីហ្កាស គឺជាអង់ស៊ីមដែលចូលរួមក្នុងប្រតិកម្មបង្កើតសម្ព័ន្ធគីមីរវាងម៉ូលេគុលស៊ុបស្រ្តាបពីរ ។ ថាមពលដែលផ្តល់ដល់ប្រតិកម្មនេះបានមកពីអ៊ីដ្រូលីសនៃATP ។ លីហ្កាសរួមមានសាំងតេតាស កាបុកស៊ីឡាស ។