តើភ្លេងពិណពាទ្យ និងភ្លេងសៀមខុសគ្នារឺមួយដូចម្តេច ? ចូរពន្យល់ពីការនិយមហៅភ្លេងនេះព្រមទាំងបញ្ជាក់អោយបានច្បាស់លាស់តើភ្លេងនេះសំគាល់ក្នុងពិធីណាខ្លះ ?

ភ្លេងពិណពាទ្យនិងភ្លេងសៀមជាឈ្មោះភ្លេងដែលសំរាប់សំគាល់ភ្លេងមួយប្រភេទរបស់ខ្មែរដូចគ្នា ។ អ្នកខ្លះគេហៅភ្លេងសៀម ឯអ្នកខ្លះទៀតគេហៅថាភ្លេងពិណពាទ្យ ជាឈ្មោះរបស់ខ្មែរ ។ តែក្រោយមក ក្រោយពេលដែលជនជាតិសៀមបានវាយបែកក្រុងលង្វែកនាសតវត្សទី១៦ ភ្លេងនេះត្រូវបានសៀមយកពីខ្មែរយើងទៅ តែក្រោយមកបានចូលមកក្នុងប្រទេសខ្មែរយើងតាមរយៈអ្នកដែលទៅសិក្សាវប្បធម៌ អក្សរសាស្រ្តសៀមហើយត្រូវបានគេហៅថាភ្លេងសៀមយ៉ាងដូច្នេះ ។ ប៉ុន្តែនៅសម័យចុងក្រោយនេះ គេពុំសូវហៅឈ្មោះភ្លេងសៀមប៉ុន្មានទេ គឺភាគច្រើនគេហៅភ្លេងពិណពាទ្យ ។ ភ្លេងពិណពាទ្យ គេនិយមលេងភ្លេងនេះក្នុងការកំដរ របាំបុរាណ ក្នុងពិធីបួងសួង បន់ស្រន់ លាបំណន់ និងក្នុងពិធីសាសនា ដូចជា ​បុណ្យ កឋិន បំបួសនាគ ពុទ្ធាភិសេក ។