លោកបើកអាជីវកម្មនេះតាំងពីពេលណាមក ? ផ្តើមឡើងដោយទុនប៉ុន្មាន និងរីកចម្រើនដល់កម្រិតណាដែរ ?

ខ្ញុំបានបើកអាជីវកម្មនេះតាំងពីចុងឆ្នាំ២០០៧ មកម្ល៉េះ ។ ដំបូងឡើយមានទុនតែជា២ពាន់ដុល្លា ម៉ូតូមួយគ្រឿងនិងរ៉ឺម៉កមួយគ្រឿងប៉ុណ្ណោះ ដើម្បីប្រើសម្រាប់ដឹកជញ្ជូនរបស់របរអេតចាយ ។ ខណៈពេលនោះ ខ្ញុំបានឲ្យប្អូនស្រីរបស់ខ្ញុំជាអ្នកមើលការខុសត្រូវ ចំណែកខ្ញុំជាអ្នកផ្តល់ទុន និងឆ្លៀតពេលជួយផងដែរនៅពេលទំនេរពីការងារ លុះមកដល់ខែមីនាឆ្នាំ២០១១ ខ្ញុំបានលាឈប់ពីការងារមកគ្រប់គ្រងលើអាជីវកម្មនេះផ្ទាល់តែម្តង ។ បើគិតពីឆ្នាំ២០០៧រហូតមក ដល់ឆ្នាំ២០១០ យើងមានទុនជាង១០ម៉ឺុនដុល្លា ក្នុងនោះមានរថយន្តដឹកទំនិញ៥គ្រឿង និងមានកម្មករ៣០នាក់ ។