តើសារៈប្រយោជន៍នៃលិខិតយថាភូតមានអ្វីខ្លះ ?

សារៈប្រយោជន៍នៃលិខិតយថាភូតមានដូចជា ៖

• ការជឿជាក់ពីភាពត្រឹមត្រូវពិតប្រាកដ

- លិខិត ឬកិច្ចសន្យាដែលជាលិខិតយថាភូតក្លាយជាលិខិតសាធារណៈ ដែលត្រូវបានធានាពីភាពត្រឹមត្រូវពិតប្រាកដ ដែលអាជ្ញាធរពាក់ព័ន្ធតុលាការត្រូវតែជឿជាក់និងទទួលស្គាល់

- ក្រៅពីលិខិតរបស់ស្ថាប័នជម្រះក្តី ឬអាជ្ញាធារមានសមត្ថកិច្ចមានតែលិខិតដែលធ្វើឡើងដោយសារការីដែលមានប្រថាប់ត្រា និង​ចុះហត្ថលេខាសារការីប៉ុណ្ណោះ ដែលមានគុណសម្បត្តិជាលិខិតយថាភូត

• មានអានុភាពអនុវត្តដោយបង្ខំ

- លិខិតយថាភូតមានតម្លៃស្មើនឹងសាលក្រមស្ថាពររបស់តុលាការ

- ប្រសិនបើកូនបំណុលមិនអនុវត្តកាតព្វកិច្ចសន្យា ម្ចាស់បំណុលអាចអនុវត្តដោយបង្ខំលើទ្រព្យសម្បត្តិរបស់កូនបំណុលភ្លាម ដោយមិនឆ្លងកាត់នីតិវិធីអង្គសេចក្តីនៅតុលាការនោះទេ ។