សំណួរ-ចម្លើយ ស្រាយបំភ្លឺ អំពី ច្បាប់រដ្ឋធម្មនុញ្ញ (ភាគ២៧)

សំណួរ

១៣១- អ្វីទៅហៅថានីតិកម្ម ?

១៣២- អ្វីទៅជានីតិកាល ?

១៣៣- តើអ្វីទៅជានីតិនិយម ?

១៣៤- អ្វីទៅជានីតិប្បញ្ញត្តិ ?

១៣៥- តើអ្វីទៅជានីតិកោសល ?

ចម្លើយ

១៣១- នីតិកម្ម មានន័យថា ការធ្វើច្បាប់ សិទ្ធិតែងច្បាប់ អង្គច្បាប់សម្រាប់រដ្ឋនីមួយៗ ។

១៣២- នីតិកាល មានន័យថា កាលរបស់នីតិ រយៈកាលរបស់សភាអ្នកតែងច្បាប់ ។ ឧទាហរណ៍៖ នីតិកាលនៃសភា ទាំងពីរមានកំណត់តែត្រឹម ៤ ឆ្នាំ ។

១៣៣- នីតិនិយម មានន័យថា ការកំណត់យកតាមច្បាប់ សេចក្តីស្មោះត្រង់ចំពោះច្បាប់រាជការសម្រាប់រដ្ឋ ។

១៣៤- នីតិប្បញ្ញត្តិ មានន័យថា បញ្ញត្តិរបស់ច្បាប់ ការតែងតាំងច្បាប់ ការបង្គាប់ឱ្យធ្វើតាមច្បាប់ ។ ឧទាហរណ៍ នីតិប្បញ្ញត្តិជាភារៈរបស់សភា ។

១៣៥- នីតិកោសល មានន័យថា អ្នកឈ្លាសក្នុងច្បាប់ដែលវាងវៃខាងច្បាប់ ។

តភាគ