ខេម ច្រៀងរំលែកទុក្ខ ដល់ ជនរងគ្រោះ ក្នុងហេតុការណ៍បាក់អគារនៅកែប ស្ដាប់ទៅកម្សត់ណាស់

កែប៖ ពិតណាស់ថា ឧប្បត្តិហេតុបាក់រលំ អគារកម្ពស់៧ជាន់នៅកែប ដែលបណ្ដាលឲ្យមានជនរងគ្រោះបានរបួស និងស្លាប់ជាច្រើននាក់ បានធ្វើឲ្យប្រជាជនកម្ពុជា ព្រមទាំងថ្នាក់ដឹកនាំទាំងអស់ ពិតជាមានអារម្មណ៍ក្ដុកក្ដួល និងសោកស្ដាយជាក្រៃលែង។

យ៉ាងណាមិញ ដើម្បីជាការចូលរួមរំលែកទុក្ខ ដល់ជនរងគ្រោះ និងអ្នកបាត់បង់ជីវិតក្នុងហេតុការណ៍ដ៏រន្ថត់មួយនោះ លោក ខេម ដែលជាតារាចម្រៀងប្រុស ដ៏មានប្រជាប្រិយភាព បានច្រៀងចម្រៀងមួយបទ មានចំណងជើងថា « អគារមច្ចុរាជ»។

ជាមួយគ្នានេះដែរ បទចម្រៀងមួយបទនេះ លោក ខេម បានបកស្រាយបានយ៉ាងពីរោះ អមដោយទំនុកភ្លេងអន្លង់អន្លោច និងអត្ថន័យកម្សត់រៀបរាប់ពី ទុក្ខលំបាក និងការខិតខំប្រឹងប្រែងរបស់ កម្មករទាំងអស់ ដែលពិតជាសោកស្ដាយខ្លាំងណាស់ នៅពេលដែលពួកគេ ដែលជាជនស្លូតត្រង់ ត្រូវមកជួបរឿងអកុសលបែបនេះ។

យ៉ាងណាមិញ បើមើលតាមរយៈវីដេអូមួយនោះដែរ ជឿជាក់ថា ប្រិយមិត្តដែលបានស្ដាប់ប្រាកដជារំជួលចិត្ត និងទប់ទឹកភ្នែកមិនជាប់នោះទេ៕