មើល​វីដេអូ​ Haaland ស៊ុត​ Hat-Trick

Erling Braut Haaland បាន​ចំណាយ​ពេល​ត្រឹម​២៣​នាទី​ប៉ុណ្ណោះ​ដើម្បី​រក​បាន​ Hat-Trick (៣​គ្រាប់) នៅ​ថ្ងៃ​ប្រកួត​ដំបូង​ឲ្យ​ក្លឹប​ថ្មី​ Borussia Dortmund។​​

ខ្សែ​ប្រយុទ្ធ​វ័យ​១៩​ឆ្នាំ​ បាន​ងើប​ពី​កៅអី​អង្គុយ​ប្ដូរ​ចូល​នៅ​នាទី​៥៦​ហើយ​ស៊ុត​ចូល​គ្រាប់​ទី​មួយ​ត្រឹម​លេង​បាន​៣​នាទី​ប៉ុណ្ណោះ​។ កីឡាករ​សញ្ជាតិ​ន័រវែស​រក​បាន​គ្រាប់​ទី​ពីរ​នៅ​នាទី​៧០ និង​គ្រាប់​ទី​បី​នៅ​នាទី​៧៩​ជួយ​ឲ្យ​ Dortmund យក​ឈ្នះ​ម្ចាស់​ផ្ទះ Augsburg ក្នុង​លទ្ធផល​ ៣-៥។​

លទ្ធផល​នេះ​បាន​ធ្វើ​ឲ្យ​ក្រុម​ពណ៌​លឿង​ឈរ​នៅ​លេខ​៤​ក្នុង​តារាង​ Bundesliga មាន​៣៣​ពិន្ទុ​ក្នុង​ដៃ​ តាម​ពី​ក្រោយ​លេខ​១​ RB Leipzig ចំនួន​៤​ពិន្ទុ​ប៉ុន្តែ​លេង​លើស​១​ប្រកួត៕ ​