ចង់ប្តូរការងារ ឬ កំពុងស្វែងរកការងារ ផ្វើសារឥឡូវនេះ
ស្រ្តីៗគ្នាយើងដែលចង់ស្វែងរកការពិនិត្យសុដន់ ត្រូវទៅទទួលការពិនិត្យដោយគ្រូពេទ្យជំនាញ។ អ្នកជំនាញទាំងអស់នោះ ត្រូវបានគេបង្ហាត់បង្រៀនឲ្យពួកគាត់ចាប់បានចំណុចមិនប្រក្រតី និងសញ្ញាគ្រោះថា្នក់មានលើសុដន់។ ការពិនិត្យសុដន់គឺមានសារៈសំខាន់ខ្លាំងណាស់ ក្នុងការពិនិត្យរកជំងឺមហារីកសុដន់ក្នុងដំណាក់កាលដំបូង។ ស្រីៗគ្រប់រូបគួរតែទៅជួបគ្រូពេទ្យជំនាញ និងពិនិត្យសុដន់រៀងរាល់ ១ឆ្នាំ ទៅ ៣ឆ្នាំម្ដងចាប់ពីពេលមានអាយុ ២០ឆ្នាំ និងយ៉ាងហោចណាស់ទៅពិនិត្យឲ្យបានម្ដងក្នុងមួយឆ្នាំពេលមានអាយុចាប់ពី៤០ឆ្នាំឡើងទៅ។
១- ពេលណាត្រូវត្រៀមសម្រាប់ជួបគ្រូពេទ្យពិនិត្យសុដន់
យើងអាចពិនិត្យសុដន់ដោយខ្លួនឯង ដោយសង្កេតរកមើលថាឃើញមានគឺកូនកណ្ដុរឬយ៉ាងណា។ ប៉ុន្តែសម្រាប់អ្នកជំនាញមានបទពិសោធន៍វិញ គាត់អាចរកឃើញកន្លែងដែលគួរឲ្យសង្ស័យ និងជារោគសញ្ញាមួយចំនួនដែលអ្នកជំងឺខ្លួនឯងមិនបានចាប់អារម្មណ៍។ ប្រសិនបើស្រីៗគ្នាយើងមានសញ្ញាដូចខាងក្រោម គួរតែទៅជួបជាមួយគ្រូពេទ្យដើម្បីធ្វើការពិនិត្យលើសុដន់។
ពេលវេលាល្អបំផុតសម្រាប់ពិនិត្យសុដន់របស់ស្រ្តី គឺក្នុងរយៈពេល ១ ទៅ ២សប្ដាហ៍បន្ទាប់ពីមករដូវរួច ដោយសារតែអំឡុងពេលកំពុងមករដូវ សុដន់នឹងឡើងរឹង និងហើម។
២- តើមានអ្វីកើតឡើងអំឡុងពេលពិនិត្យសុដន់
មុនពេលពិនិត្យ គ្រូពេទ្យជំនាញត្រូវការសួរនាំអំពីព័ត៌មានទាក់ទងជាមួយប្រវត្ដិជំងឺ រួមបញ្ចូលទាំងព័ត៌មានអំពីប្រវត្ដិនៃវដ្ដរដូវ និងប្រវត្ដិនៃការមានគភ៌ដែរ។
ដើម្បីធ្វើការពិនិត្យ យើងត្រូវចាំបាច់ដោះសម្លៀកបំពាក់ចាប់ពីត្រឹមចង្កេះឡើងលើចេញ។ អំឡុងពេលកំពុងពិនិត្យ គ្រូពេទ្យនឹងពិនិត្យមើលលក្ខណៈទូទៅរបស់សុដន់ បម្រែបម្រួលនៃទំហំសុដន់ រូបរាង ឬភាពស្មើគ្នារវាងសុដន់ទាំងសងខាង។ គ្រូពេទ្យប្រហែលជាអាចឲ្យអ្នកជំងឺប្ដូរឥរិយាបថខ្លះៗ ដូចជាតម្រូវឲ្យគេង និងដាក់ដៃទាំងសងខាងក្រោមក្បាល លើកដៃទាំងសាងខាងឡើងលើក្បាល លើកត្រគៀកទាំងសងខាងឡើង និងអាចសង្កត់ដៃលើត្រគៀក។
កាយវិការទាំងអស់នេះជួយឲ្យគ្រូពេទ្យ មានភាពងាយស្រួលក្នុងការរកមើលចំណុចខុសប្លែករបស់សុដន់។ ក្រៅពីនេះទៀត ការពិនិត្យស្បែកដោះ គឺត្រូវពិនិត្យរកមើលកន្ទួលរមាស់ ស្នាមខូចលើសុដន់ ឬរកមើលភាពមិនប្រក្រតីដទៃផ្សេងទៀត។ លើសពីនេះទៀតនោះ គ្រូពេទ្យនឹងពិនិត្យមើលចុងសុដន់ ដោយអាចច្របាច់ និងសង្កត់ចុងសុដន់ ដើម្បីមើលថាមានសារធាតុរាវចេញមកដែរឬអត់។ ប្រសិនបើមានទឹកអ្វីចេញមក គ្រូពេទ្យនឹងយកទឹកនោះទៅពិនិត្យមើលតាមរយៈមីក្រូទស្សន៍។ បន្ទាប់ពីពិនិត្យរួច គ្រូពេទ្យនឹងណែនាំឲ្យយើងចេះពិនិត្យសុដន់ខ្លួនឯងនៅផ្ទះ និងទុកពេលខ្លះឲ្យយើងរៀនអនុវត្ដភា្លមៗ។
ជាទូទៅ ការពិនិត្យគ្លីនិចលើសុដន់មិនធ្វើឲ្យមានការឈឺចាប់លើសុដន់នោះទេ ប្រសិនបើសុដន់មិនរឹងពេកទេនោះ។ លើសពីនេះទៀតនោះ ការពិនិត្យសុដន់ គឺមិនមានបង្កគ្រោះថ្នាក់អ្វីទាំងអស់។
គ្រូពេទ្យជួយរកដុំពកថ្មី ឬបម្រែបម្រូលក្នុងសុដន់ ដែលវាអាចជាសញ្ញានៃបញ្ហាធ្ងន់ធ្ងររបស់សុដន់ ដូចជាជំងឺមហារីកសុដន់ជាដើម។ ការពិនិត្យនេះក៏ធ្វើឡើងដើម្បីរកមើលបញ្ហាផ្សេងទៀតកើតលើសុដន់ ដែលវានឹងផ្ដល់ផលប្រយោជន៍ក្នុងការព្យាបាល ដូចជាជំងឺរលាកសុដន់ និងដុំ fibroadenoma ជាដើម។
អត្ថបទពាក់ព័ន្ធ៖
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។ Hello Health Group មិនចេញវេជ្ជបញ្ជា ធ្វើរោគវិនិច្ឆ័យ ឬព្យាបាលជូនទេ៕
Reference:
https://hellokrupet.com/%e1%9e%87%e1%9f%86%e1%9e%84%e1%9e%ba%e1%9e%a7%e1%9e%9f%e1%9f%92%e1%9e%9f%e1%9e%b6%e1%9e%a0%e1%9f%8d%e1%9e%80%e1%9e%be%e1%9e%8f/%e1%9e%98%e1%9e%a0%e1%9e%b6%e1%9e%9a%e1%9e%b8%e1%9e%80%e1%9e%9f%e1%9e%bb%e1%9e%8a%e1%9e%93%e1%9f%8b/85199/
អត្តបទបន្ថែមទៀត
រឿងត្រូវដឹង! អ្នកមានស្នាមមុននៅលើមុខ កុំចេះតែនៅហាលថ្ងៃប្រយ័ត្នស្ដាយក្រោយ!
ដោយ : cheat 4 years ago
ខេម ច្រៀងរំលែកទុក្ខ ដល់ ជនរងគ្រោះ ក្នុងហេតុការណ៍បាក់អគារនៅកែប ស្ដាប់ទៅកម្សត់ណាស់
ដោយ : cheat 4 years ago
ត្រឡប់មកមើលកំណត់ហេតុចាស់ៗរបស់ Jungkook ពេលទៅអាមេរិកលើកដំបូង មុនបង្ហាញខ្លួន (មានរូបភាព)
ដោយ : cheat 4 years ago
ដោយ : cheat 4 years ago
អត្ថបទថ្មីៗទាក់ទងបទពិសោធន៍ផ្សេងៗ
Commission on transportation Service VS transportation Service ខុសគ្នាម៉េច( សកម្មភាពអាជីវកម្មសម្បង)?
ដោយ : Mon Piya 7 months ago
ដោយ : Thanakbuth Nut 1 year ago
