វិញ្ញាសាមុខវិជ្ជាជីវៈវិទ្យា ( វិញ្ញាសាទី៣ )

សំណួរ

១. តើទម្រង់ជាមូលដ្ឋានដែលមានស្ទើរគ្រប់កោសិកាគឺអ្វីខ្លះ ?

២. តើអ្វីទៅជាធាតុកោសិកា ? តើធាតុកោសិកាណាខ្លះដែលមាននាទីផលិត ?ដឹកជញ្ជូន ? ស្តុកទុក ? រំលាយឬបំបែក ?

៣. ចូរប្រៀបធៀបមីតូកុងទ្រីនិងក្លរ៉ូប្លាស ?           

៤. ចូរប្រៀបធៀបទម្រង់កោសិការុក្ខជាតិនិងកោសិកាសត្វ ។

៥. ចូរប្រៀបធៀបបន្សាយនិងអូស្មូស ។

៦. ចូរប្រៀបធៀបដំណឹកនាំអសកម្មនិងដំណឹកនាំសកម្ម ។

ចម្លើយ

១. ទម្រង់ជាមូលដ្ឋាន ដែលមានស្ទើរគ្រប់កោសិកា គឹភ្នាស ស៊ីតូប្លាស និងណ្វៃយ៉ូ ។​

២. ធាតុកោសិកា ជាធាតុតូចៗជាច្រើននៅក្នុងស៊ីតូប្លាស  ។ ធាតុកោសិកាដែលមាននាទីផលិត គឹមីតូកុងឌ្រី ធាតុកោសិកាដែលមាននាទីដឹក ជញ្ជូនគឹប្រដាប់កុលស៊ី ចំណែកឯធាតុកោសិកាដែលមាននាទីស្តុកទុកគឺវ៉ាគុយអូល និងរំលាយឬបំបែកគឺលីសូសូម ។​

៣. ប្រៀបធៀបមីតូកុងឌ្រីនិងក្លរ្ល៉ប្លាសគឺ​៖             

មីតូកុងឌ្រី    

• ជាធាតុកោសិកាដែលមានរាងជាកូនដំបងតូចៗ
• វាមានភ្នាសពីស្រទាប់ ( ស្រទាប់ក្រៅរុំព័ទ្ធធាតុកោសិកា និងស្រទាប់ក្នុងរាងជាផ្នត់ៗដែលបង្កើនផ្ទៃមីតូសកុងឌ្រី )
• ជាកន្លែងផលិតថាមពល វាបំលែងថាមពល គីមីស្តុកក្នុងអាហារឲ្យទៅកោសិកាអាចប្រើប្រាស់បាន ។

ក្លរ៉ូប្លាស

• ជាប្លាសផ្ទុកជាតិពណ៌បៃតង់ដែលហៅថាក្លរ៉ូភីល
• មាននាទីចាប់យកថាមពលពន្លឺព្រះអាទិត្យ
• បំលែងថាមពលនោះទៅជា ថាមពលគីមី
• ថាមពលគីមីនេះសម្រាប់ផលិតអាហារគឹគ្លុយកូស ។

៤. ប្រៀបធៀបទម្រង់កោសិការុក្ខជាតិនិងកោសិកាសត្វ ៖

កោសិកាសត្វ

• សង់ទ្រីយ៉ូល
• លីសូសូម

កោសិការុក្ខជាតិ

• ភ្នាសសែលុយឡូស
• ក្លរ៉ូប្លាស ។

៥. ប្រៀបធៀបបន្សាយនិងអូស្មូស៖

បន្សាយ   

• ជាចលនារបស់ម៉ូលេគុលឬអ៊ីយ៉ុងពីតំបន់ដែលមានកំហាប់ខ្ពស់ទៅតំបន់ដែលមានកំហាប់ទាប ។ ឧទាហរណ៍៖ គេដាក់ស្ករចូលក្នុងកែវទឹក ។ ម៉ូលេគុលស្ករសាយចូលទៅក្នុងទឹក ។ ទឹកជាធាតុរំលាយហើយស្ករជាធាតុរលាយ ។

អូស្មូស

• ជាបន្សាយនៃម៉ូលេគុលទឹក ពីតំបន់ដែលមានកំហាប់ម៉ូលេគុលទឹកខ្ពស់ទៅតំបន់ដែលមានកំហាប់ម៉ូលេគុលទាបឆ្លងកាត់ភ្នាស អឌ្ឈជ្រាប ។ ឧទាហរណ៍៖ គោសិកាក្រហមរបស់ មនុស្សអាចនិងផ្ទុះបំបែក ប្រសិន បើគេដាក់វានៅក្នុងមជ្ឈដ្ឋានខ្លាំងឬខ្សោយខុសពីកំហាប់ក្នុងគោលិកាឈាម ។​

៦.​ប្រៀបធៀបដំណឹកនាំអសកម្មនិងដំណឹកនាំសកម្ម៖

ដំណឹកនាំអសកម្ម

• កាលណាចលនាម៉ូលេគុលនៃសារធាតុផ្សេងៗ ឆ្លងកាត់ភ្នាសដោយមិនចំណាយ ថាមពល ។ ឧទាហរណ៍ៈ បើយើងជិះកង់ ចុះពីលើកំពូលភ្នំអ្នកមិនត្រូវការថាមពលទេ​ ។      

ដំណឹកនាំសកម្ម

• កាលណាចលនាម៉ូលេគុលនៃសារធាតុផ្សេងៗ ឆ្លងកាត់ភ្នាសដោយចំណាយ ថាមពល ។ ឧទាហរណ៍ៈ បើយើងជិះកង់ឡើង ទៅលើកំពូលភ្នំអ្នកត្រូវថាមពល ។