ដូចម្តេចដែលហៅថា សីលធម៌ ? តើសីលធម៌ត្រូវបានចែកចេញជាប៉ុន្មាន ? អ្វីខ្លះ ? ហើយដើម្បីពង្រឹងសន្តិភាពពិភពលោក តើមនុស្សត្រូវមានសីលធម៌ពិភពលោកយ៉ាងដូចម្តេចខ្លះ ?

ដែលហៅថាសីលធម៌ គឺជាក្បួនច្បា​ប់គន្លង ដ៏ល្អសម្រាប់អប់រំទូន្មានប្រៀនប្រដៅមនុស្ស ឲ្យដើរទៅរកផ្លូវល្អ ។

សីលធម៌ចែកចេញជា ៥គឺ ៖

• សីលធម៌ផ្ទាល់ខ្លួន
• សីលធម៌គ្រូសារ
• សីលធម៌វិជ្ជាជីវៈ
• សីលធម៌សង្គម
• សីលធម៌ពិភពលោក ។

ដើម្បីពង្រឹងសន្តិភាពពិភពលោក មនុស្សត្រូវមានសីលធម៌ពិភពលោកដូចតទៅ ៖

• រាប់អានគ្នាជាបងប្អូនជាមួយជនជាតិដទៃ ដោយមិនប្រកាន់ពូជសាសន៍ សញ្ជាតិ សាសនា​ ឬពណ៌សម្បុរឡើយ
• ជួយចែករំលែកនៅទុក្ខសោក និងផ្តល់ជំនួយតាមលទ្ធភាពចំពោះប្រជាជននៃប្រទេស ដែលរង់គ្រោះនិងក្រីក្រ
• រួមសហការ​ណ៍ពង្រីកសេដ្ឋកិច្ច វប្បធម៌នយោបាយ ជាប្រទេសជិតខាងក្នុងតំបន់ និងនៅលើសកលលោក
• ដោះស្រាយបញ្ហា និងជម្លោះដោយសន្តិវិធីដោយមិនប្រើហឹង្សា ឬអាវុធយុទ្ធភ័ណ្ឌជាតិផ្ទុះ
• សាមគ្គីជាតិ និងអន្តរជាតិ និងមានទំនាក់ទំនងល្អជាមួយប្រទេសជិតខាង ជនបរទេស ដែលមកស្នាក់នៅស្របច្បាប់ក្នុងប្រទេស ។