អនុមានរួមជាវិចារមួយ ដែលចេញពីការណ៍ពិសេស ដើម្បីរួមអោយបានជាច្បាប់ទូទៅមួយ ។ អនុមានរួម មានពីរបែបគឺ ៖
- អនុមានរួមសាររូប ៖ អះអាងភាពទូទៅមួយ ពីការណ៍ពិសេសច្រើនដែលគេស្គាល់រួចហើយ តែវាពុំបានបង្កើតអ្វីអោយប្លែកទេ ។ ឧទាហរណ៍ ៖ ក្រោយពីសួរអាយុសិស្សម្នាក់ៗ ដែលរៀននៅថ្នាក់ទី ១១ រួចហើយខ្ញុំដឹងថាម្នាក់ៗមានអាយុលើសពី ១៦ឆ្នាំ ។ ដូចនេះខ្ញុំសន្និដ្ឋានថាសិស្សទាំង អស់ដែលរៀនថ្នាក់ទី១១ មានអាយុលើសពី ១៦ឆ្នាំ ។
- អនុមានរួមពង្រីក ៖ គឺជាវិចារពិសោធន៍ ដែលគេនិយមប្រើក្នុងរូបវិទ្យាជាវិចារមួយ ដែលអនុញ្ញាតិអោយចេញ ពីការណ៍ខ្លះៗដែលគេស្គាល់ទៅច្បាប់ទូទៅដើម្បីពន្យល់ការណ៍ទាំងនោះ ។ ឧទាហរណ៍៖ មនុស្សឈ្មោះសុខ បានលួចខោខ្ញុំ ។ ម្សិលមិញ សុខបានលួចអាវខ្ញុំ ។ ដូចនេះ សៀវភៅដែលខ្ញុំបាត់ថ្ងៃនេះ គឺសុខជាអ្នកលួច ។
- គួរកត់សំគាល់ថា ៖ អនុមានរួមពង្រីក គ្មានភាពត្រឹមត្រូវល្អិតល្អន់ទេ ព្រោះជួនកាលជាសន្និដ្ឋាន ជាទង្វើទូទៅផ្តេសផ្តាស ។ ដូចនេះហើយ ទើបក្នុងស្យង់ពិសោធន៍អនុមានរួមពង្រីក មិនត្រូវធ្វើដោយខ្វះការត្រួតពិនិត្យតឹងរ៉ឹងនោះឡើយ ។
