វិញ្ញាសាស្វែងយល់ដឹងអំពី អង្គការសហប្រជាជាតិ ( វិញ្ញាសាទី២២ )

សំនួរ

១. ចូរនិយាយអំពីកម្មវិធីអប់រំ និងបណ្តុះបណ្តាល ។

២. ចូរនិយាយអំពីកម្មវិធីសហប្រតិបត្តិការខាងបច្ចេកទេស ។

៣. តើគោលបំណងចម្បងរបស់ IFAD ជាអ្វី ?

៤. តើអង្គការពាណិជ្ជកម្មពិភពលោកបានបង្កើតឡើងនៅថ្ងៃ ខែ ឆ្នាំ ណា ? ដើម្បីអ្វី ?

៥.​តើអង្គការពាណិជ្ជកម្មពិភពលោក មានតួនាទីសំខាន់ប៉ុន្មាន ? អ្វីខ្លះ ?

ចម្លើយ

១. កម្មវិធីអប់រំ និងបណ្តុះបណ្តាលបានរៀបចំឡើងដើម្បីគាំទ្រដល់កម្មវិធីវិទ្យាសាស្រ្តនិងបច្ចេកទេសនៃអង្គការ WMO ហើយជួយក្នុងការបង្កើតចំណេះដឹងដល់បុគ្គលនៅក្នុងសេវាកម្មឧត្តុនិយម និងធនធានទឹកថ្នាក់ជាតិនៃបណ្តាប្រទេសជាសមាជិក ។

២. កម្មវិធីសហប្រតិបត្តិការខាងបច្ចេកទេសបានផ្តល់ការណែនាំ និងជួយជ្រោមជ្រែងក្នុងការពង្រីកសេវាកម្មឧត្តុនិយមនឹងធនធានទឹកថ្នាក់ជាតិដល់បណ្តាលប្រទេសកំពុងអភិវឌ្ឍន៍តាមរយៈការផ្ទេរចំណេះដឹង បច្ចេកវិទ្យានិងឧត្តុនិយមវិទ្យាដើម្បីធ្វើឲ្យសេវាកម្មទាំងងនេះមានប្រសិទ្ធភាព ។

៣. គោលបំណងចម្បងរបស់ IFAD គឺ ៖

ទី១ ៖ បំលែងប្រភពធនធានដើម្បីបង្កើនការផលិតម្ហូបអាហារនិងឲ្យមានម្ហូបអាហារសមរម្យដល់ក្រុមដែលចំនូលទាបនៅតាមប្រទេសកំពុងអភិវឌ្ឍន៍ ។ យ៉ាងហោចណាស់ ២០%នៃប្រជាជននៅអាហ្រ្វិច អាស៊ីនិងអាមេរិកឡាទីនដែលទទួលរងឥទ្ធិពលនៃការអត់ឃ្លានដ៏រុំារ៉ៃ និងការខ្វះខាតអាហារ ( មិនគ្រប់គ្រាន់ ) ។

ទី២ ៖ ផ្តោតការយកចិត្តទុកដាក់ លើលសេចក្តីត្រូវការរបស់សហគមន៍ជនបទក្រីក្របំផុតជាពិសេសកសិករតូចតាច អ្នកអត់ស្រែចម្ការអ្នកនេសាទក្រុមមនុស្សរស់នៅដោយសារគេចិញ្ចឹម និងស្រ្តីក្រីក្រ​នៅតាមជនបទ ។

ទី៣ ៖ មូលនិធិយកចិត្តទុកដាក់ជាពិសេស ចំពោះកាអភិវឌ្ឍន៍តំបន់ដាច់ស្រយាល និងបង្ខិតទៅរកភាពទំនើបដែលផ្នែកទៅលើការចូលរួមរបស់មូលដ្ឋាន​និង ការអភិវឌ្ឍន៍ មូលដ្ឋានធនធានធម្មជាតិ ។

៤. អង្គការពាណិជ្ជកម្មពិភពលោកបានបង្កើតឡើងនៅថ្ងៃទី ០១ ខែ មករា ឆ្នាំ ១៩៩៥ ។ ដើម្បីជំនួយកិច្ចព្រមព្រៀងទូទៅស្តីពីពន្ធគយ និងពាណិជ្ជកម្មជំនួយត្រួតមើលលើពាណិជ្ជកម្មអន្តរជាតិ ។

៥. អង្គការពាណិជ្ជកម្មពិភពលោក មានតួនាទីសំខាន់៥ដូចខាងក្រោម ៖

• ចាត់ចែង និងអនុវត្តកិច្ចព្រមព្រៀងពាណិជ្ជកម្មទ្វេភាគីនិងពហុភាគីដែលបានសម្រេចជាកិច្ចព្រមពៀងរបស់ WTO
• ធ្វើសកម្មភាពជាវេទិកា សម្រាប់ការចរចាពាណិជ្ជកម្មពហុភាគីក្នុងចំណោមសមាជិក
• ស្វែងរកដំណោះស្រាយជម្លោះពាណិជ្ជកម្ម ក្នុងចំណោមសមាជិក WTO
• ត្រួតមើលពីលើគោលនយោបាយពាណិជ្ជកម្មជាតិ របស់សមាជិ
• ធ្វើការសហការជាមួយស្ថាប័នអន្តរជាតិផ្សេងទៀត ដែលពាក់ព័ន្ធក្នុងការធ្វើនយោបាយសេដ្ឋកិច្ចពិភពលោក ។