វិញ្ញាសាវប្បធម៌ទូទៅសម្រាប់ត្រៀមប្រឡងពេទ្យ (វិញ្ញាសាទី២២)

សំណួរ

១. ចូរបកស្រាយក្រុមឈាមមនុស្សទៅលើចរិតលក្ខណៈមនុស្សត្រូវប្រហែល៥០% ?

២. តើសញ្ញាជាតិប្រើរូបព្រះសង្ហារមានចំណុចសំខាន់ៗប៉ុន្មានយ៉ាង ? អ្វីខ្លះ ?

៣. តើហេតុអ្វីបានជាប្រទេសខ្មែរយើងសម្បូរប្រាសាទសិលាម្ល៉េះ ?

៤. តើគេចែកប្រាសាទខ្មែរជាប៉ុន្មានប្រភេទ ? អ្វីខ្លះ ?

៥. តើប្រាសាទទាំងនោះមានមុខងារដូចម្តេច ?

ចម្លើយ

១. ក្រុមឈាមមនុស្សទៅចរិតលក្ខណៈមនុស្សត្រូវប្រហែល៥០%មានដូចជា ៖

• ប្រភេទA ៖ មនុស្សភាគច្រើនម៉ុងម៉ាត់ ការគិតពូកែ មិនឱ្យគេនិយាយស្តីលើខ្លួនទេ ។
• ប្រភេទB ៖ មនុស្សភាគច្រើនចូលចិត្តសប្បាយគិតច្រើន មានរឿងអ្វីចង់ប្រាប់គេឱ្យដឹងដែរ ចង់ជួយគេ ។
• ប្រភេទAB ៖ មនុស្សភាគច្រើនឆាប់ជឿគេខ្វះការពិចារណា ។
• ប្រភេទ O ៖ ស្លូតត្រង់មានចិត្តគុំច្រើនចំពោះរឿងមិនល្អ ។

២. សញ្ញាជាតិប្រើរូបព្រះសង្ហារមានចំណុចសំខាន់ៗចំនួនប្រាំគឺ ៖

• ពន្លឺឆពណ្ណវង្សី នៅពីរលើគេតំនាងឱ្យអរិយធម៌ខ្មែរ
• ក្សេត្រឆ័ត្រទាំងពីរ តំនាងឱ្យព្រះមហាក្សត្រព្រះមហាក្សត្រីយានីជាអ្នកថែររក្សាប្រជារាស្រ្ត
• ព្រះខ័ន នៅក្រោមមកុដរាជ្យជនិមិត្តរូបនៃអំនាច និងយុត្តិធម៌
• គុជសីហ៍និងរាជសីហ៍ទាំងពីរជាកម្លាំងរបស់ប្រជារាស្រ្តខ្មែរនៅជំវិញព្រះរាជខ័ន ។

៣. បានជាប្រទេសកម្ពុជាសម្បូរប្រាសាទសិលាពីរព្រោះ ៖

• បុព្វហេតុសាសនានៅសម័យនោះ(ពិធីទេវរាជនិងពុទ្ធរាជ)
• បុព្វហេតុសង្រ្គាមញឹកញាប់
• បុព្វហេតុព្រះមហាក្សត្រមួយអង្គៗចង់បានកិត្តិយសនិងមហិទ្ធិឬទ្ធិ
• បុព្វហេតុប្រវត្តិសាស្រ្ត ផ្លាស់ប្តូរទីក្រុង
• បុព្វហេតុទម្លាប់គឺការបន្តស្នាដៃ ។

៤. គេចែកប្រាសាទខ្មែរជាបួនប្រភេទគឺ ៖

• ប្រាសាទដែលមានប្រាង្គតែមួយ ដូចជាប្រាសាទភ្នំបាយ៉ង ប្រាសាទភ្នំបាសិត
• ប្រាសាទដែលមានប្រាង្គច្រើន សងើទៅលើខឿនតែមួយជាន់ដូចជា ប្រាសាទព្រះគោ ប្រាសាទលលៃជាដើម
• ប្រាសាទដែលសង់នៅលើដីរាប គឺគ្មានខឿនទេ សង់ផ្ទាល់លើដីរាបស្មើរមានប្រាសាទព្រះខ័ន្ធដើម
• ប្រាសាទភ្នំគឺប្រាសាទដែលសង់ខ្ពស់ដូចភ្នំមានខឿនច្រើនជាន់វាមានពីរប្រភេទ ៖

                ប្រាសាទភ្នំដែលគេសង់នៅលើភ្នំធម្មជាតិដូចជាប្រាសាទបានខែង

                ប្រាសាទភ្នំដែលគេសង់លើដីរាបស្មើរមានប្រាសាទអង្គរវត្ត ប្រាសាទបក្សីចាំក្រុង ប្រែរូបបាគង ។

៥. ប្រាសាទទាំងនោះមានមុខងារដូចជា ៖

• សម្រាប់ឧទ្ទិសថ្វាយអាទិទេពដូចជាព្រឥសូរ ព្រះនរាយណ៍
• សម្រាប់ឧទ្ទិសថ្វាយពោធិ៍សត្វ លោកកេស្វរៈក្នុងពុទ្ធសាសនាមហាយាន
• សម្រាប់ឧទ្ទិសថ្វាយបុព្វបុរសព្រះរាជាមានព្រះបិតា ព្រះមាតា ព្រះរាជបុត្រនិងវីរៈជនស្នេហាជាតិ ។