ដូចម្តេចដែលហៅថា ភ្ញី ? ចូររាប់ក្បាច់ភ្ញីតុបតែងលំអ អោយបានប្រាំមួយ ដោយប្រាប់ប្រភពក្បាច់នីមួយៗផង។

ភ្ញី គឺឈ្មោះក្បាច់រចនាដែលគូរ រឺឆ្លាក់ប្រទាក់ពាក់ព័ន្ធ ។ ភ្ញីតុបតែងលំអ៦បែបគឺ ៖

• ភ្ញីទេស ៖ ក្បាច់ភ្ញីដែលធ្វើជារូបដើម ទង ស្លឹក ផ្កា ផ្លែ យក តាមលំនាំតាមដើម ស្លឹក ផ្លែ ទន្សែ ។
• ភ្ញីភ្លើង ៖ ក្បាច់ភ្ញីដែលប្រទាក់លើគ្នាឈរច្រូងមានសណ្ឋានស្រដៀងនឹងអណ្តាតភ្លើង យកតាមគំរូអណ្តាតភ្លើងដែលកំពុងតែឆេះ ។
• ភ្ញីវល្លិ ៖ ក្បាច់ភ្ញីដែលមានសណ្ឋានជាវល្លិវារប្រទាក់គ្នា យកគំរូតាមត្រួយវល្លិត្រកួន កញ្ឆែតបោះទងក្នុងបឹងត្រពាំង ។
• ភ្ញីផ្កា ៖ ក្បាច់ផ្កាកំរង និងយកតាមគំរូផ្កា ដូចជា ៖ ផ្កាម្លិះ ផ្កាថ្កុល ..ក្រងបន្តគ្នា ។
• ភ្ញីផ្ការាយ ៖ ក្បាច់ដកចន្ទន៍តាមគំរូផ្លែចន្ទន៍ទុំ បកសំបកជាបួន ហើយច្នៃជាច្រើនរបៀប ។ ក្បាច់ត្របកផ្កាឈូក យកតាមផ្កាឈូករីក ក្រពុំ​ហើយច្នៃជាច្រើនរបៀប ។ ក្បាច់ចក ក្បាច់ភ្ញីដែលលាយច្រើនបែបចំរុះគ្នា យកតាមលំនាំផ្កាចំរុះពណ៌ក្នុងថូ ។