សំណួរ
១. តើការស្តាយក្រោយ ខុសពីវប្បដិសារីយ៉ាងដូចម្តេច ? ចូរលើកឧទាហរណ៍ ?
២. តើការស្រឡាញ់ រាប់អាន និងគោរពជួយធុរៈអ្នកដទៃផ្តល់ផលប្រយោជន៍អ្វីខ្លះចំពោះអ្នក ?
៣. ចូរប្រៀបធៀបលក្ខណៈខុសគ្នា រវាងមនោគមវិជ្ជាទាំងពីរ គឺមនោគមវិជ្ជាសេរី និងមនោគមវិជ្ជាសង្គមនិយម ?
៤. ចូរធ្វើការរប្រៀបធៀបលក្ខណៈខុសគ្នារវាងសិប្បកម្ម និងឧស្សាហកម្ម ។
៥. តើគ្រួសារដែលមានអំពើហិង្សាអាចអភិវឌ្ឍជីវភាពគ្រួសារបានដែរ ឬទេ ? ព្រោះអ្វី ?
ចម្លើយ
១. ការស្តាយក្រោយ ខុសពី វិប្បដិសារី ៖
- ការស្តាយក្រោយជាសេចក្តីឈឺផ្សារក្នុងសតិសម្បជញៈដែលកើតឡើងដោយកំហុសឆ្គងមួយចំនួនដែលមានទំនោរកែប្រែទៅរកផ្លូវល្អវិញ ។ ឧទាហរណ៍ មនុស្សម្នាក់វាយកូនយ៉ាងខ្លាំង តែក្រោយមកគេអាណតិអាសូរកូននោះ ហើយប្តេជ្ញាលែងវាយកូនតទៅទៀត ។
- វិប្បដិសារី ៖ ជាសីលសញ្ចោតនា ដែលទទួលរងដោយម្ចាស់អំពើប្រព្រឹត្តកំហុសយ៉ាងធ្ងន់ធ្ងរមិនអាចកែប្រែវិញបាន ។ ឧទាហរណ៍ បុរស “ក” សម្លាប់បុរស “ខ”ដោយសារតែកំហឹងរបស់ខ្លួន ។ ក្រោយមកបុរស “ក” មានវិប្បដិសារីយ៉ាងខ្លាំង ។
២. ការស្រលាញ់រាប់អាន និងគោរពជួយធុរៈអ្នកដទៃ ផ្តល់ផលប្រយោជន៍ជាច្រើន ៖
- ធ្វើឱ្យមានទំនាក់ទំនងល្អ
- បណ្តាលឱ្យចិត្តជ្រះថ្លា រីករាយ
- ទទួលការគោរព និងកោតសសើរពីអ្នកដទៃ
- ធ្វើឱ្យជីវិតរស់នៅមានសេចក្តីក្សេមក្សាន្ត
- កាត់បន្ថយនូវជម្លោះទាស់ទែងក្នុងសង្គម
- មានទំនុកចិត្តលើអ្នកដទៃ
- ទទួលបានការតបស្នងសងគុណពីអ្នកដទៃយ៉ាងពេញចិត្ត
- មានកេរ្តិ៍ឈ្មោះល្អក្នុងសង្គម ។
៣. មហាអំណាចខាងមនោគមន៍វិជ្ជាសេរី និងសង្គមនិយម ពុំដូចគ្នាទេ ។ ប្រៀបធៀបមនោគមវិជ្ជាទាំងពីរ ៖
ក. មនោគមវិជ្ជាសេរី
- លទ្ធិប្រជាធិបតេយ្យ
- អំណាច ៖ ប្រធានាធិបតី សភាតំណាងរាស្រ្តនិងតុលាការកំពូល
- មានការបោះឆ្នោតជ្រើសតាំងតំណាងរាស្រ្ត
- របបសង្គម ៖ នាយកទុននិយមសេរី
- សេដ្ឋកិច ៖ ទីផ្សារសេរី (ប្រកួតប្រជែងផលិតផលទីផ្សារ)
- វណ្ណៈមូលធននិយម (ឯកជន) ។
ខ. មនោគមវិជ្ជាសង្គមនិយម
- លទ្ធិកុំម្មុយនីស្ត (ម៉ាកលេនីន)
- អំណាច ៖ ការជ្រើសតាំងអ្នកដឹកនាំតាមរយៈការធ្វើសន្និបាត
- របបសង្គម ៖ សង្គមនិយម (សមូហភាព)
- សេដ្ឋកិច្ច ៖ ផែនការរយៈពេលប្រាំឆ្នាំម្តង (សេដ្ឋកិច្ចបិទ)
- វណ្ណៈអធន (មានកម្មករជាអ្នកឈានមុន)
៤. ភាពខុសគ្នារវាងសិប្បកម្ម និងឧស្សាហកម្ម
ក. សិប្បកម្ម
- ទ្រង់ទ្រាយ ៖ តូច (ជារោងជាងតូចតាចនៅតាមគ្រួសារ)
- ប្រើប្រាស់កម្មករ ៖ តិច (ពី២ ទៅ១០ នាក់)
- ទុនវិនិយោគ ៖ ចំណាយទុនតិច
- មធ្យោបាយផលិត ៖ ដោយកម្លាំងមនុស្សផ្ទាល់ ឬដោយគ្រឿងម៉ាស៊ីនពាក់កណ្តាលស្វ័យប្រវត្តិ
- បរិមាណ និងគុណភាព ៖ ផលិតសំភារៈបានតិច យឺតចំណាយពេលវេលាច្រើនគុណភាពអន់ ។
ខ. ឧស្សាហកម្ម
- ទ្រង់ទ្រាយ ៖ ធំ (អាគារធំៗ)មានច្រើនខ្នង ច្រើនជាន់ ច្រើនបន្ទប់
- ប្រើប្រាស់កម្មករ ៖ ច្រើន (ពី ២០ ទៅរាប់ពាន់នាក់ នាក់)
- ទុនវិនិយោគ ៖ ចំណាយទុនច្រើន
- មធ្យោបាយផលិត ៖ ដោយគ្រឿងយន្ត រីម៉ាស៊ីនស្វ័យប្រវត្តិទំនើប
- បរិមាណ និងគុណភាព ៖ ផលិតសំភារៈបានច្រើន រហ័សចំណេញពេលវេលា ហើយមានគុណភាពល្អ ។
៥. គ្រួសារដែលមានអំពើហិង្សាមិនអាចអភិវឌ្ឍជីវភាពគ្រួសារបានទេ ។ ព្រោះដោយសារ ៖
- មានការចំណាយប្រាក់ច្រើនទៅលើការព្យាបាលរបួសស្នាម ឬសេវាព្យាបាល ឬថ្លៃថ្នាំ
- ធ្វើឱ្យមានការខាតបង់ពេលវេលា កម្លាំងកាយចិត្ត
- ការរស់នៅមិនចុះសម្រុងនឹងគ្នាគំនិតអស្មិមានរាងខ្លួន
- គ្មានការពិគ្រោះយោបល់ ឬពិភាក្សាដើម្បីធ្វើការអភិវឌ្ឍគ្រួសារ
- ជម្លោះនាំឱ្យមានការខូចខាតទ្រព្យសម្បត្តិ ។
