ដើម្បីជ្រើសរើសមុខរបរ រឺការងារមួយសំរាប់អនាគត តើអ្នកគប្បីពិចារណាលើលក្ខខណ្ឌអ្វីខ្លះ ? ពិចារណាលើលក្ខខណ្ឌអ្វីខ្លះ ?

ដើម្បីជ្រើសរើសមុនរបរ រឺការងារអោយបានល្អប្រសើរសំរាប់អនាគត យើងត្រូវពិចារណាលើ ៖

ក. សមត្ថភាពវិជ្ជាជីវៈ

ដោយត្រូវយល់ ស្គាល់ពីសមត្ថភាពជំនាញឯកទេសរបស់ យើងអោយបានច្បាស់លាស់ជាមុនសិន និងត្រូវប្រាកដក្នុងខ្លួននឹងអាចធ្វើអ្វីបានខ្លះ ធ្វើបានក្នុងកំរិតណាខ្លះ មានពិសោធន៍កំរិតណា ក្នុងមុខជំនាញ ព្រោះបើការងារមិនត្រូវមុនជំនាញនឹងនាំទៅបរាជ័យពុំរីកចំរើនឡើយ ។

ខ. ឧបនិស្ស័យ រឺចំណង់ចំណូលចិត្ត

ដោយត្រូវពិចារណាលើនិស្ស័យពីកំណើត ពីចំណង់ចំណូលចិត្តផ្ទាល់របស់យើង ព្រោះថាអ្វីដែលចង់គឺយើងមានលទ្ធភាពអ្វីដែលមិនចង់គឺមិនអាចធ្វើបានឡើង ។ ជាពិសេសពិចារណថា តើមុនជំនាញ មុខរបរ រឺការងារដែលយើងជ្រើសរើសយកនោះ ស្របនឹងនិស្ស័យរបស់យើងរឺទេ ។​

គ. ប្រភពធនធាន

ត្រូវ​ចេះប៉ាន់ប្រមាណពីប្រភពធនធាន ដែលយើងមានជាមួយនឹងមុនវិជ្ជាជីវៈ មុខរបរដែលយើងបំរុងនឹងជ្រើសរើសយក ហើយថ្លឹងថ្លែង មើលថា តើអាចទៅរួច រឺអត់ ។ ប្រភពធនធានដែលត្រូវពិចារណ គឺគិតពីសមត្ថភាពចំនេះដឹង កំរិតបច្ចេកទេស ទ្រព្យសំភារៈ ថវិកា សុខភាពរួមទាំងពេលវេលាផង ថាតើយើងអាចទ្រោលការងារនោះបានរឺទេ និងបានក្នុងកំរិតណា ?

ឃ. ច្បាប់សង្គម រឺឧត្តមគតិសង្គម

គ្រប់ការងារដែលយើងអាចមានលទ្ធភាពធ្វើបាន ហើយដែលយើងបំរុងនឹងជ្រើសរើសយកនោះ គប្បីជាការងារ រឺមុខរបរស្របច្បាប់ ស្របឧត្តមគតិសង្គម ទើបការងារ រឺមុខរបរមានស្ថិរភាព និងរីកចំរើន នេះជាប្រការសំខាន់ ព្រោះបើគេប្រកបមុខរបរ រឺធ្វើការងារណាមួយមិនស្របច្បាប់ ផ្ទុយពីឧត្តមគតិសង្គម នោះនឹងត្រូវមានទោស រឺសង្គមរារាំង នាំមានផលវិបាកអាក្រក់ ។

ង. ស្ថានភាពសង្គម រឺស្ថានភាពទីផ្សារ

ដើម្បីអោយការងារ រឺមុខរបររីកចំរើនបន្ថែមពីលើលក្ខណៈខណ្ឌបួនខាងលើ យើងក៏ត្រូវសិក្សាពីតំរូវការរបស់ទីផ្សារពលកម្ម រឺតំរូវការនៃការផ្គត់ផ្គង់ថែមទៀត ។ បើពុំនោះទេ យើងពុំអាចសំរេចគោលដៅនៃជីវិតបានឡើយ ។ ព្រោះពីមួយជំនាន់ទៅមួយជំនាន់ មនុស្សពីសតវត្សទៅមកសតវត្ស​តំរូវ ការទីផ្សារពលកម្ម ក៏ដូចតំរូវផ្គត់ផ្គង់តែងប្រែប្រួល និងអភិវឌ្ឍជានិច្ច ។ ដូចនេះយើងគប្បីបង្កើនសមត្ថភាពអោយឆ្លើយយតបតំរូវការនៃសតវត្សជាប្រការចាំបាច់ ។