តើពុទ្ធសករាជចាប់គិតពីត្រឹមណាមក ? រាប់ដូចម្តេច ?

ពុទ្ធសករាជៈ ចំនួនថ្ងៃខែឆ្នាំរាប់ចាប់តាំងពីក្រោយថ្ងៃដែលព្រះពុទ្ធទ្រង់ចូលបរិនិពា្វន​ទៅបាន១ថ្ងៃរៀងមក ព្រះសត្យមុនីគោតមទ្រង់ចូលបរិនិព្វាននៅថ្ងៃអង្គារ ១៥កើត ខែពិសាខឆ្នាំម្សាញ់ រាប់ត្រឹមថ្ងៃ១រោច ខែពិសាខនោះមកជាពុទ្ធសករាជ​ ។ ទំនៀមរាប់ពុទ្ធសករាជដោយទៀងទាត់របស់ពួកសាសនិកជនសម្រាប់ប្រើខាងររបៀបសាសនាដែលហៅថា បកសករាជ រាប់យកខាងចំណែករនោចខែមួយមុនប៉ះរួមខាងខ្នើត ខែបន្ទាប់គិតជាមួយខែគឺត្រូវរាប់ពីថ្ងៃ១រោចខែពិសាខមកដល់ថ្ងៃ១៥កើតខែជេស្ឋជាមួយខែ(ពេញ​ជាឆ្នាំ)រាប់យ៉ាងនេះរៀងរាល់ឆ្នាំ បើរាបពីលើមកដល់ត្រឹមណាត្រូវទុកថ្ងៃខែឆ្នាំនោះ ជាបច្ចុប្បន្នកាលមិនទាន់រាប់ពេញថាជាសករាជដែលកន្លងទៅហើយទេ ដូចជាពីក្នុងថ្ងៃ១៥រោច ខែស្រាពណ៍ឆ្នាំមមីបន្ទាប់ឆ្នាំព្រះពុទ្ធបរិនិព្វានត្រូវរាប់ថាពុទ្ធសករាជ កន្លងទៅហើយបាន១ឆ្នាំ៣ខែ១៤ថ្ងៃ(កន្លងទៅហើយបានប៉ុន្មានត្រូវថាតែប៉ុណ្ណោះ) (ពុទ្ធសករាជសរសេរដោយសង្ខេបព.ស ) ។