តើរូបអប្សរា រឺអប្សរា មានអត្ថន័យដូចម្តេច ?

រូបអប្សរា រឺអប្សរាជារូបរបាំនៃទេពអប្សរ ដែលមានប្រភពយកគំរូនៃរបាំតន្តី ដែលជារបាំព្រះរាជាទ្រព្យរបស់ព្រះរាជា ដែលមានតាំងពីយូរយារណាស់មកហើយ ដោយពុំទទួលឥទ្ធិពលពីបរទេសឡើយ ។ របាំតន្តីនេះ ជារបាំដែលមានតំលៃ រឺជារបាំមង្គល សំរាប់លេងក្នុងពិធីបួងសួងថ្វាយអាទិទេព រឺថ្វាយដល់វិញ្ញាណក្ខ័ន្ធព្រះរាជានានា ដែលបានចូលទីវង្គតទៅហើយ ។ ដោយសារៈសារសំខាន់​និងតំលៃនៃរបាំនេះគួបផ្សំ និងលក្ខណៈប្រណីតនៃរបាំនេះផង ទើបគេឆ្លាក់រូបលើជញ្ជាំងប្រាសាទនូវរូបរបាំនេះ ដែលមាននៅសេសសល់រហូតមកដល់សព្វថ្ងៃ ។ ដោយរូបអប្សរា តំណាងនូវរបាំតន្តីរបស់ព្រះរាជា នេះហើយដែលគេតែងតែយល់ថា រូបអប្សរាមាន អត្ថន័យតំណាងសិល្បៈខ្មែរ ។ ឆ្លុះបញ្ជាំងតាមរយៈរូបអប្សរា គេអាចយល់ពីចិត្តគំនិតរបស់ជនជាតិខ្មែរយើង ជាជនជាតិមួយ មានលក្ខណៈច្នៃប្រឌិត ទន់ភ្លន់សុភាពរាបសារ និងស្រលាញ់សន្តិភាពជាទីបំផុត ។