តើអ្វីជាគណបក្សនយោបាយ ? ហើយគណបក្សនយោបាយ មួយត្រូវបានគេទទួលស្គាល់ថា គណបក្សដែលពេញលេញបានត្រូវបំពេញលក្ខខណ្ឌអ្វីខ្លះ ?

គណបក្សនយោបាយ គឹជាមនុស្សដែលមានគំនិតនិង ឆន្ទៈស្របគ្នា ហើយរួបរួមគ្នាដោយស្មគ្រ័ចិត្តតាមកិច្ចសន្យាបង្កើតឡើងនូវអង្គការមួយដែលទស្សនៈអចិន្រ្តៃយ៍និងស្វ័យភាពចូលរួមក្នុងឆាកនយោបាយតាមការកំណត់នៃច្បាប់ផ្សេងៗរបស់ជាតិ ។

                   គណបក្សនយោបាយនីមួយៗ ដែលទទួលបានភាពស្របច្បាប់ជាផ្លូវការនោះគឺ គណបក្សនយោបាយត្រូវចុះបញ្ជីគណបក្សនយោបាយនៅឯក្រសួងមហាផ្ទៃ ហើយត្រូវបានបំពេញលក្ខខណ្ឌដូចខាងក្រោម ៖

• ពាក្យសុំចុះបញ្ជីគណបក្សនយោបាយដោយមានហត្ថលេខាធានគណបក្ស
• ឈ្មោះជាអក្សរពេញ អក្សរកាត់ និងសញ្ញាសម្គាល់គណបក្ស
• អាស័យដ្ឋានន័យទីស្នាក់ការកណ្តាលរបស់គណបក្ស
• លក្ខន្តិកៈនៃគណបក្សនយោបាយ
• បទបញ្ជាផ្ទៃក្នុងរបស់គណបក្សនយោបាយ ( បើមាន )
• សេចក្តីថ្លែការរបស់គណបក្សនយោបាយស្តីពីការគោរពច្បាប់ផ្សេងៗរបស់ជាតិ
• បញ្ជីឈ្មោះសមាជិកយ៉ាងតិច ៤០០០
• ជីវប្រវត្តិរបស់ប្រធាន ឬស្ថាបនិកចំនួន៣នាក់យ៉ាងតិច
• សេចក្តីប្រកាសអំពីគណនីធនាគារ
• បង្កាន់ដៃថ្លៃអាករចុះបញ្ជីគណបក្សនយោបាយ ។