សំណួរ-ចម្លើយ ជំពូក២ មេរៀនទី១ ស្ថាប័នហិរញ្ញវត្ថុ (ភាគ៣)

សំណួរ

១១. តើគេចែកស្ថាប័នហិរញ្ញវត្ថុជាប៉ុន្មានប្រភេទ ? មានអ្វីខ្លះ ?

១២. ដើម្បីធានាជោគជ័យតើស្ថាប័នហិរញ្ញវត្ថុត្រូវមានហេដ្ឋារចនាសម្ព័ន្ធយ៉ាងណាខ្លះលើប្រព័ន្ធហិរញ្ញវត្ថុ ?

១៣. ដូចម្តេចហៅថាគណនេយ្យភាព ?

១៤. អ្វីទៅជាសវនកម្ម ?

ចម្លើយ

១១. គេចែកស្ថាប័នហិរញ្ញវត្ថុជា៦មានដូចជា ៖

• ធនាគារកណ្តាល មានតួនាទីទទួលខុសត្រូវគ្រប់គ្រងចំនួនឥណទាន និងរូបិយវត្ថុសរុបក្នុងប្រព័ន្ធទាំងមូលនិងគ្រប់គ្រងស្ថាប័នហិរញ្ញវត្ថុ (គោរពតាមច្បាប់) និងមានភាពរឹងមាំហើយរួមទាំងគ្រប់គ្រងការប្រាក់ដែលរួមចំណែកគ្រប់គ្រងអតិផរណា ។
• ធនាគារពាណិជ្ជ គឺជាស្ថាប័នហិរញ្ញវត្ថុធំៗ ដែលទទួលនូវបញ្ញើតាមតម្រូវការប្រាក់ ដែលមានតាមកំណត់និងប្រាក់បញ្ញើសន្សំ ។ ហើយកម្ចីរបស់ធនាគារពាណិជ្ជភាគច្រើនកម្ចីរយៈពេលខ្លី ប៉ុន្តែឥឡូវធនាគារពាណិជ្ជបានកែប្រែការផ្តល់ហិរញ្ញប្បទានរយៈពេលវែងវិញ (នៅតាមសហគ្រាស ក្រុមហ៊ុន) ។
• ធនាគារអភិវឌ្ឍន៍ ច្រើនមាននៅក្នុងប្រទេសកំពុងអភិវឌ្ឍដែលស្ថាប័នបានបំពេញតួនាទីតិចតួចក្នុងការប្រមូលប្រាក់បញ្ញើ ។ ជាទូទៅធនាគារអភិវឌ្ឍន៍ពុំសូវបានទទួលជោគជ័យក្នុងការប្រមូលទុនទេលើកលែងតែទុនដែលបានមកពីរដ្ឋ MFI (ស្ថាប័នមីក្រូហិរញ្ញវត្ថុ) ។
• ក្រុមហ៊ុនធានារ៉ាប់រងនិងក្រុមហ៊ុនផ្សេងៗ ការធានាលើទ្រព្យសម្បត្តិ សុខភាពនិងអាយុជីវិត (ក្រុមហ៊ុនស៊ីឈ្នួល) ។ កិច្ចសន្យាហិរញ្ញវត្ថុក្នុងបរិមាណកំណត់សម្រាប់អនុវត្តទៅតាមទំហំនៃសាច់ប្រាក់ធានាដែលអតិថិជនត្រូវបង់ទៅដល់ក្រុមហ៊ុន ។
• ទីផ្សារមូលប័ត្រ គឺជាប្រភេទហិរញ្ញវត្ថុដែលមិនឆ្លងកាត់ស្ថាប័នហិរញ្ញវត្ថុតែទំនាក់ទំនងផ្ទាល់ជាមួយ និងការផ្តល់កម្ចីទៅដល់អតិថិជនសម្រាប់ការវិនិយោគ (ការទិញភាគហ៊ុន) មានន័យថាការចូលរួមចំណែកនៃការដាក់ទុនសម្រាប់បើកអាជីវកម្មរួមគ្នា ។
• បណ្តាលផ្សេងៗ ឥណទានពាណិជ្ជកម្ម គឺជាហិរញ្ញវត្ថុមួយដែលសហគ្រាសមួយទិញទំនិញសេវាពីសហគ្រាស មានន័យថាអ្នកទិញបានខ្ចីប្រាក់ពីសហគ្រាសអ្នកលក់មិនទាន់បានទូទាត់ថ្លៃទំនិញ និងសេវាភ្លាមៗនៃប្រព័ន្ធឲ្យខ្ចីប្រាក់ក្រៅផ្លូវការ គឺជាការលេង ការចងការប្រាក់ពីម្នាក់ទៅម្នាក់ដោយពុំមានច្បាប់អនុញ្ញាត ។

១២. ដើម្បីធានាជោគជ័យស្ថាប័នហិរញ្ញវត្ថុត្រូវមានហេដ្ឋារចនាសម្ព័ន្ធលើប្រព័ន្ធហិរញ្ញវត្ថុ គឺត្រូវប្រមូលព័ត៌មាន មានសវនករ (អ្នកចុះត្រួតពិនិត្យ) គោលការច្បាប់មានកិច្ចសន្យាហិរញ្ញវត្ថុ និយ័តកម្ម និងការពិនិត្យលើហិរញ្ញវត្ថុឲ្យបានច្បាស់សាល់គ្រប់ពេលវេលា (មានប្រព័ន្ធគ្រប់គ្រងទិន្នន័យសាច់ប្រាក់) ។ ព័ត៌មាននៃប្រព័ន្ធគណនេយ្យ និងសវនករ កិច្ចសន្យាហិរញ្ញវត្ថុ ការខ្ចីមានការកំណត់មិនត្រូវសងមុនការកំណត់ បទបញ្ជាបម្រូងប្រយ័ត្នជាវិធានការដែលចេញដោយធនាគារដើម្បីគ្រប់គ្រងប្រព័ន្ធប្រតិបត្តិការនៃហិរញ្ញវត្ថុ អត្រាការប្រាក់ជាថ្លៃគិតទៅលើប្រព័ន្ធសេដ្ឋកិច្ចរបស់អតិថិជន ការកំណត់ការប្រាក់ សមស្របទៅចំណូលចំណាយ ការបង្កើនទីផ្សារហិរញ្ញវត្ថុមានរយៈពេលខ្លីចំពោះប្រទេសកំពុងអភិវឌ្ឍ និងរយៈពេលវែងសម្រាប់ប្រទេសអភិវឌ្ឍ ហើយទៅតាមស្ថានភាពនយោបាយ ។

១៣. គណនេយ្យភាព គឺសំដៅទៅលើការទទួលខុសត្រូវចំពោះសកម្មភាពទាំងឡាយរបស់ខ្លួន ឬក៏ជាអ្នកតំណាងរបស់អង្គការខ្លួនដើម្បីទទួលខុសត្រូវចំពោះសកម្មភាពទាំងឡាយរបស់អង្គការ ។ ទទួលខុសត្រូវចំពោះរាល់ភាគីពាក់ព័ន្ធសំខាន់ៗទាំងអស់អង្គការមួយត្រូវដាក់បញ្ជូលគ្នានូវតម្លាភាព ការចូលរួម ការវាយតម្លៃយន្តការតវ៉ា និងការឆ្លើយតបនានាទៅក្នុងគោលនយោបាយនីតិវិធីអនុវត្តទាំងឡាយនៅគ្រប់កម្រិត ដំណាក់កាលនៃការធ្វើសេចក្តីសម្រេចចិត្តនិ ងការអនុវត្តទាំងអស់ ។

១៤. សវនកម្ម ជាការពិនិត្យផ្លូវការមួយលើស្ថានភាពហិរញ្ញវត្ថុ ឬគណនីរបស់បុគ្គលណាម្នាក់ ឬរបស់អង្គការមួយ ។