វិញ្ញាសាត្រៀមប្រឡងបាក់ឌុប មុខវិទ្យាប្រវត្តិវិទ្យា (វិញ្ញាសាទី២១)

សំណួរ

១ តើរបបកម្ពុជាប្រជាធិបតេយ្យបានចែកប្រជាជនជាប៉ុន្មានវណ្ណៈ? តើមានអ្វីខ្លះ?

២. តើចំណុចណាខ្លះដែលបញ្ជាក់ថារបស់រំលោភធ្ងន់ធ្ងរទៅលើវប្បធម៌និងប្រពៃណីជាតិ?

៣. តើកត្តាអ្វីខ្លះដែលនាំឪ្យចលនាតស៊ូនោះបានទទួលលទ្ធផលដូចខាងលើ?

៤. នៅមីយ៉ាន់ម៉ា ឧត្តមសេនីនេវិនបានឡើងកាន់អំណាចចាប់ពីឆ្នាំ ១៩៦២ ដល់ឆ្នាំ ១៩៨៨។  តើរដ្ឋាភិបាលបានធ្វើសកម្មភាពអ្វីខ្លះទៅលើចលនានិសិ្សត?

៥. ក្នុងការគ្រប់គ្រងប្រទេស តើព្រះហិររក្សារាមាធិបតីអង្គឌួងបានធ្វើកំណែទម្រង់សង្គមកម្ពុជា​យ៉ាងដូចម្ដេចខ្លះ?

ចម្លើយ

១. របបកម្ពុជាប្រជាធិតេយ្យចែកជាពីរវណ្ណៈ ៖

• ប្រជាជនចាស់(មូលដ្ឋាន)
• ប្រជាជនថ្មី (១៧ មេសា)។

២. ចំណុចដែលបញ្ជាក់ថារបបនេះរំលោភយ៉ាងធ្ងន់ធ្ងរលើវិស័យវប្បធម៌ និងប្រពៃណីជាតិគឺ ៖

• បំបាត់វិស័យអប់រំ
• បំបាត់សាសនា (កម្ទេចវត្តអារាម ផ្សិតព្រះសង្ឃ)
• បំបាត់ប្រពៃណីក្នុងការរៀបអាពាហ៍ពិពាហ៍ ស្លៀកពាក់ខ្មៅ
• គ្មានការយកចិត្តទុកដាក់លើកេតភណ្ឌជាតិ។

៣. ចលនាតស៊ូទទួលបានទទួលផលដោយសារ ៖

• ក្រោយសង្រ្គាមពួកអាណានិគមមានការនឿយហត់យ៉ាងខ្លាំង(សេដ្ឋកិច្ចខ្ចេចខ្ចី)
• ការគាំទ្រពីសហរដ្ឋអាមេរិច សហភាពសូរៀត និងអង្គការសហប្រជាជាតិ
• ប្រទេសនីមួយៗមានមគ្គុទេសឈ្លាវៃ មានគោលនយោបាយត្រឹមត្រូវ
• មានការសហការគ្នារវាងអាស៊ី អាព្រិច អាមេរិចឡាទីន។

៤. រដ្ឋាភិបាលបានធ្វើសកម្មភាទៅលើនិស្សិត ៖

• បាញ់សម្លាប់និស្សិតប្រហែល ៣០០០នាក់
• ហាមប្រជុំលើសពី៥នាក់ឡើងទៅ
• បិទសកលវិទ្យាល័យ
• ចាប់ពួកប្រឆាំងដាក់គុកជាច្រើននាក់
• បំរាមគោចរពីម៉ោង៨យប់។

៥. ក្នុងការគ្រប់គ្រងប្រទេសព្រះអង្គបានធ្វើកំណែទម្រង់ដូចជា ៖

+ វិស័យរដ្ឋបាល

• កែច្បាប់ បន្ធរបន្ថយវិស័យផ្សេងៗ

+ សេដ្ឋកិច្ច

• ជំរុញការស្ដាយហេដ្ឋារចនាសម្ព័ន្ធ
• កសាងផ្លូវគមនាគមន៍ ទំនប់ កំពង់ផែសមុទ្រនៅកំពត
• បោះពុម្ពប្រាក់សម្រាប់សម្រួលជីវភាពប្រជាជន
• បន្ថយពន្ធដារ

+ នយោបាយ

• ដឹកនាំប្រទេសដោយមានប្រជាជនចូលរួមយ៉ាងច្រើន
• លើកតម្លើងវប្បធម៌អក្សរសាស្រ្ដជាតិ។

វីញ្ញាសាទី២២