តើគោលបំណងនៃការធ្វើផែនការមានសារៈសំខាន់ដូចម្តេចខ្លះ ?

គោលបំណងនៃការធ្វើផែនការមានសារៈសំខាន់ដូចជា ៖

• ផែនការជួយតំរង់ទិសដៅដល់អង្គភាពអោយធ្វើសកម្មភាពការងារបានត្រឹមត្រូវ ។
• ផែនការជាមធ្យោបាយមួយសម្រាប់ប្រឈមមុខ ដោះស្រាយតំរូវការ ឬបញ្ហាទាំងឡាយដែល​ឆ្លើយ​តបទៅនឹងសំណូមពររបស់សង្គម ។
• ផែនការជាការងារចាំបាច់​ ដើម្បីសម្រេចបាននូវគោលដៅរបស់អង្គភាព អង្គការ​ចាត់តាំង​ណាមួយ ។
• ផែនការធ្វើអោយអង្គភាពវិវត្តន៍ទៅមុខតាមទិសដៅដែលបានឯកភាពគ្នា ។
• ផែនការជួយអោយអ្នកដឹកនាំ ដើម្បីធ្វើការសម្រេចចិត្តលើការបែងចែក​ធនធានទាំងឡាយ​ដូចជា ៖​ បុគ្គលិក សំភារៈបរិក្ខារ និងថវិការ ។ គោលបំណងរបស់អង្គភាព គឺធ្វើអោយការប្រើ​ប្រាស់​ធនធានទាំងនោះមានភាពប្រសើរបំផុត ដើម្បីបង្កើនបរិមាណផលិតភាព និងប្រសិទ្ធិ​ភាព​ការងារក្នុងអង្គភាព ។
• ផែនការជួយទូទាត់ភាពមិនច្បាស់លាស់ ផែនការជួយធ្វើអោយកំរិតខ្ជះខ្ជាយ និងកំរិតគ្រោះថ្នាក់​ថយចុះមកក្នុងកំរិតអប្បបរិមា ។
• ផែនការបង្កើតជានិយាមឬរបបកំណត់ (Standard) ដើម្បីសំរួលដល់ការត្រួតពិនិត្យរបស់អ្នកគ្រប់គ្រងទៀតផង។