សំណួរ-ចម្លើយ ស្រាយបំភ្លឺ អំពី ច្បាប់រដ្ឋធម្មនុញ្ញ (ភាគ១៥)

សំណួរ

៧១- ដូចម្តេចដែលហៅថា ព្រះរាជអាជ្ញារង ?

៧២- អ្វីទៅជាតំណាងអយ្យការ ?

៧៣- អ្វីទៅជា ក្រឡាបញ្ជីនាយក ?

៧៤- តើក្រឡាបញ្ជីគឺជាអ្វី ?

៧៥- តើឋានៈរបស់ម្ចាស់ចម្លើយដែលសរសេរក្នុងកំណត់ហេតុមាននរណាខ្លះ ? ចូលរៀបរាប់បញ្ជាក់ ?

ចម្លើយ

៧១- ព្រះរាជអាជ្ញារង គឺជាអ្នកដែលបំពេញភារកិច្ចជំនួសព្រះរាជអាជ្ញា ។

៧២- តំណាអយ្យការ គឺសំដៅទៅលើព្រះរាជអាជ្ញារងដែលចូលរួមនៅពេលសវនាការជំនុំជម្រះ ។

៧៣- ក្រឡាបញ្ជីនាយក ឬនាយកក្រឡាបញ្ជី គឺជាអ្នកមើលការខុសត្រូវពីលើក្រឡាបញ្ជីបន្ថែមទៀត ទាំងការគ្រប់គ្រងរដ្ឋបាលទាំងការគ្រប់គ្រងបច្ចេកទេស ។

៧៤- ក្រឡាបញ្ជី គឺជាលេខាធិការដែលទុកដាក់កំណត់ត្រាតុលាការ ជាជំនួយការរបស់ចៅក្រម ព្រះរាជអាជ្ញា ឬព្រះរាជអាជ្ញារង ។

៧៥- ឋានៈរបស់ម្ចាស់ចម្លើយដែលសរសេរក្នុងកំណត់ហេតុមានដូចជា ៖

• ដើមបណ្តឹងរដ្ឋប្បវេណី
• តំណាងដើមបណ្តឹងរដ្ឋប្បវេណី
• ជនរងគ្រោះ
• តំណាងជនរងគ្រោះ
• អ្នកអាណាព្យាបាល
• អ្នកទទួលខុសត្រូវខាងរដ្ឋប្បវេណី
• សាក្សី
• ជនសង្ស័យ
• ពិរុទ្ធជន
• ជនជាប់ចោទ
• ទណ្ឌិត។

តភាគ